Ո՞ւմ կյանքն է շեշտակի բարելավել «Թավշյա հեղափոխությունը». մաս 6

Շարունակում ենք ընթերցողի ուշադրությանը ներկայացնել, թե հեղափոխական իշխանության ներկայացուցիչներից հատկապես ում կյանքն է կտրուկ փոխել հեղափոխությունը: Հաշվի առնելով հանգամանքը, որ վերջիններս գալիս էին իշխանության` փոխելու շարքային հպարտ քաղաքացիների կյանքը, սակայն շարքայինները այդ փոփոխությունները զգում են միայն բացասական ենթատեքստով, էլ ավելի հետաքրքիր է դառնում, թե ինչպես է փոխվել հենց իրենց՝ իշխանավորների սոցիալ-տնտեսական վիճակը:

Հաջորդիվ ներկայացնում ենք ՔՊ-ական Սիսակ Գաբրիելյանի` 2019 և 2020 թվականների հայտարարագրերում եղած տարբերությունը: 2019 թվականին Գաբրիելյանը հայտարարագրել էր մեկ մարդատար ավտոմեքենա, բնակելի տուն և 150 հազար դրամի եկամուտ: 2020-ին նրա գործերն ակնհայտորեն լավացել են՝ բնակելի տանը, ավտոմեքենային գումարվել են նաև 20,699,280.00 և 2,299,920.00 ՀՀ դրամի փոխառությունները, 450,756.00 ՀՀ դրամի բանկային հաշվի մնացորդը, 8,810,000.00 ՀՀ դրամի աշխատավարձը, 1,100,000.00 և 6,899,760.00 ՀՀ դրամի փոխառությունները: