Իրանը Սիրիա է ուղարկում ռազմական փորձագետների

Սիրիա են ուղղարկվել Իրանի էլիտար հեղափոխական գվարդիայի անդամները, որոնք օգնություն են ցույց տալիս Սիրիայի իշխանական զորքերին։ Այդ մասին Reuters գործակալությանը հաղորդել է իրանական ուժային կառույցի ղեկավարը։

Ինչպես հայտարարել է Մուհամմեդ Ալի Ջաֆարին, խոսքը չի գնում Իրանի կոնֆլիկտում ռազմական միջամտության մասին, քանի որ կառույցից ներկայացուցիչներն ընդամենը հանդես են գալիս որպես խորհրդատու։ Սակայն իսլամական հանրապետությունը կմիջամտի դեպքերի զարգացմանը Սիրիայում, եթե Սիրիայի դեմ ռազմական գործողություններ իրականացնեն արտաքին ուժերը։

Ավելի վաղ Իրանը հաղորդել էր, որ Բաշար Ասադի կառավարությանը ցուցաբերում է միայն հումանիտար օգնություն՝ ամեն կերպ հերքելով ռազմական միջամտությանը։

Արևմտյան երկրները պաշտոնական Թեհրանին մեղադրում են Սիրիայում ընթացող քաղաքացիական պատերազմին ունեցած ակտիվ մասնակցության համար։ Իրանը, փաստորեն, հանդիսանում է Սիրիայի գլխավոր ու միակ դաշնակիցը։