Առաջին լիամետրաժ ֆիլմը` սմարթֆոնով

Ամերիկացի կինեմատոգրաֆ Հոոման Խալիլին առաջին անգամ նկարահանել է լիամետրաժ ֆիլմ` օգտագործելով միայն սմարթֆոնի տեսախցիկը: Այս մասին հաղորդում է "The Daily Telegraph"-ը:

Ֆիլմը ստացել է «Օլիվ» (Olive) անվանումը: Խալիլին հանդես է եկել որպես ռեժիսոր, սցենարիստ և պրոդյուսեր: Նա նկարահանել է ֆիլմը Nokia N8 սմարթֆոնով: Նշվում է, որ ֆիլմի բյուջեն կազմում է շուրջ 400 հազար ԱՄՆ դոլար:

Ֆիլմը պատմում է Օլիվ անունով, կախարդական ունակություններով աղջկա մասին: Գլխավոր դերակատարը Ռուբի Ալեքսանդրն է: Ֆիլմում նկարահանվել է նաև 81-ամյա Ջինա Ռոուլենսը, ով 2 անգամ արժանացել է «Ոսկե Գլոբուս» մրցանակին:

Նշենք, որ ֆիլմի պրեմիերան կկայանա ԱՄՆ-ում, դեկտեմբերի 23-ին: