Ում կյանքն է շեշտակի բարելավել «Թավշյա հեղափոխությունը». մաս 9

Հեղափոխությունից հետո հպարտ քաղաքացիները ակնկալում էին, որ իրենց կյանքում և հատկապես սոցիալական վիճակում նույնպես հեղափոխական փոփոխություններ կգրանցվեն, սակայն, ինչպես ցույց է տվել ժամանակը, նմանատիպ փոփոխությունները շրջանցեցին հեղափոխություն արած ժողովրդին, ինչը չես ասի հեղափոխական հարթակում կանգնածների մասին, որոնց սոցիալ-տնտեսական դրությունը օր-օրի բարելավվում է:

Դիցուք՝ «Իմ քայլը» խմբակցության անդամ Տաթևիկ Հայրապետյանը 2019 թվականին հայտարարագրել էր ընդամենը 450,000.00 ՀՀ դրամ գումարին համարժեք եկամուտ: 2020-ի հայտարարագրում նշվում է, որ Տաթևիկ Հայրապետյանը արդեն իսկ ձեռք է բերել բնակարան Երևանի Քանաքեռ-Զեյթուն թաղամասում: 7,900.00 ԱՄՆ դոլարով նա ձեռք է բերել  նաև HYUNDAI ELANTRA մակնիշի ավտոմեքենա: Բանկային հաշվի մնացորդը կազմել է 1,923,467.00 ՀՀ դրամ,  եկամուտները՝ 8,933,650.00 և 358,031.00 ՀՀ դրամ:

Ակնհայտ է, որ հեղափոխությունը անչափ բարենպաստ ազդեցություն է թողել պատգամավորի կյանքի որակի վրա և առնվազն նրա կյանքում իրավիճակ փոխվել է...