Բացահայտվել է սիրիացի ապստամբների՝ գերիներին կտտանքների ենթարկելու փաստը

«Human Rightes Watch» միջազգային իրավապաշտպանական կազմակերպությունը համապատասխան զեկույցով վստահեցնում է, որ Սիրիական ազատ բանակի զինվորները կտտանքների են ենթարկում իրենց գերիներին և արտադատարանական հաշվեհարդար տեսնում նրանց հետ։ 

Փաստաթղթի համաձայն՝ նման միջադեպեր են տեղի ունեցել Իդլիբում, Հալեպում և ծովափնյա Լաթաքիա քաղաքում։ Նախկինում Սիրիայի ընդդիմության ղեկավարները բազմիցս հաղորդել են, որ իրենք կողմնակից են մարդասիրական արժեքներին և մարդու իրավունքների պաշտպանությանը։ Սակայն ապստամբության ղեկավարները, որոնց ներկայացվել են գերիների նկատմամբ անմարդկային կտտանքների ապացույցներ, հայտարարել են, որ նմանօրինակ հաշվեարդար են տեսել միայն առավել վտանգավոր հանցագործների հետ, ովքեր արժանի են եղել նման պատժի։

Այսօր Սիրիայի հարցով ՄԱԿ-ի անկախ հանձնաժողովը կազմել է զինված կազմակերպությունների և առանձին անհատների գաղտնի ցուցակ, որոնք մեղադրվում են ռազմական հանցագործությունների մեջ և պարտավոր են քրեական պատիժ կրել։ Պաոլո Պինեյրոյի գլխավորած հանձնաժողովը կոչ է արել ՄԱԿ-ի անվտանգության խորհրդին` Սիրիայում տիրող իրավիճակի դիտարկումը փոխանցել Միջազգային քրեական դատարան։