«Ժողովուրդ». ՀՀ նախագահները պետք չեն Մարտի 1-ի քննությանը

«Մարտի 1-ի գործով քննչական խումբը չի պատրաստվում հարցաքննել ՀՀ երեք նախագահներից որևէ մեկին: Այս մասին «Ժողովուրդ»-ին տեղեկացրեց մարտի 1-ի գործով քննչական խմբի նոր ղեկավար, ՀՔԾ քննիչ Վաղինակ Ջանազյանը: «Այդ հարցին բազմիցս անդրադարձ եղել է: Նախաքննությամբ նման անհրաժեշտություն չի առաջացել»,- ավելացրեց նա՝ վստահեցնելով, որ ամեն ինչ անելու է մարտի 1-ը բացահայտելու համար. «Ես իրավաբան եմ, քննիչ և քաղաքական գործունեությամբ չեմ զբաղվում: Կարող եմ փաստել, որ որպես քննչական խմբի նոր ղեկավար՝ նույնպես շահագրգռված եմ մահվան բոլոր հանգամանքների լիարժեք բացահայտման հարցում»»,– գրում է թերթը: