Ռուսաստանում գրանցվել է «Sputnik Light» մեկ բաղադրիչով պատվաստանյութը

ՌԴ Առողջապահության նախարարությունը գրանցել է Sputnik Light մեկ բաղադրիչով պատվաստանյութը։ Այն մշակողները պնդում են, որ մեկ ներարկումը բավարար է ուժեղ իմունային պատասխանի համար:
Sputnik Light- ը Sputnik V պատվաստանյութի առաջին բաղադրիչն է։ Հիմնադրամը պարզաբանել է, որ արդյունավետության հաշվարկը կատարվել է այն ռուսաստանցիների տվյալների հիման վրա, որոնք ստացել են Sputnik- ի միայն մեկ դոզան՝ մասսայական քաղաքացիական պատվաստումների ծրագրի շրջանակներում՝ 2020 թվականի դեկտեմբերի 5-ից մինչև 2021 թվականի ապրիլի 15-ը: Դեղամիջոցների անվտանգության և իմունոգենության ուսումնասիրության առաջին և երկրորդ փուլերը սկսվել են 2021-ի հունվարին։ Միջանկյալ արդյունքներն ամփոփվել են մինչև մարտի 10-ը: