Հոնկոնգը միացավ հակաճապոնական բողոքներին

Պեկինի կարծիքով այդ ցուցարարները արտահայտում են իրենց հպատակությունը ՉԺՀ կոմունիստական կուսակցությանը, բայց իրենք՝ ցուցարարները, այլ կերպ են կարծում, հայտնում է Voice of America լրատվական գործակալությունը:

Ճապոնա-չինական հարաբերությունների սուր լարվածության ֆոնին հակաճապոնական բողոքի ցույցերը տեղափոխվեցին Հոնկոնգ: Ի զարմանս բոլորի՝ Չինաստանի այս կիսաինքնավար շրջանի ժողովրդավարական ակտիվիստները առաջատար դիրքեր են զբաղեցրել  համաչինական ազգայնական շարժման մեջ:

Շուրջ 5 հազար ցուցարարներ հավաքվել էին Հոնկոնգում Ճապոնիայի հյուպատոսության առաջ: Ընդ որում, բողոքի ցույցը տեղի ունեցավ Ճապոնիայի՝ 1931թ. Մանջուրիա ներխուժման հերթական տարելիցի նախօրեին: