Սիրիական ապստամբներն Ասադի գլխի համար 25 մլն դոլար են առաջարկել

Սիրիայի ազատ բանակը 25 մլն դոլար պարգևավճար է առաջարկել Բաշար ալ-Ասադի համար՝ «կենդանի կամ մեռած». հաղորդում է ИТАР-ТАСС-ը՝ վկայակոչելով թուրքական «Անատոլիա» լրատվական գործակալությանը:

Ինչպես հայտարարել է ապստամբների հրամանատարներից մեկը, առաջին հերթին, պարգևավճարի առաջարկը ուղղված է Սիրիայի նախագահին մոտ կանգնած շրջանակների անդամներին: Ըստ նրա`խոստացված գումարը պատրաստ են վճարել Սիրիայի ազատ բանակին աջակցող որոշ գործարարներ։

Նշենք, որ Բաշար Ասադի համար պարգևավաճարն առաջին անգամ չի առաջարկվում. 2012 թ. մայիս ամսին սաուդյան հեղինակավոր հոգևոր գործիչ Ալի ալ-Ռաբիեյը խոստացել էր վճարել 450,000 դոլար Սիրիայի նախագահի սպանության դիմաց։ Մեկնաբանելով իր առաջարկը՝ ալ-Ռաբիեյն անվանել է Ասադին «մարդասպան, որի հանցագործությունները ցնցել են ամբողջ աշխարհը»։ 

Հիշեցնենք, որ Բաշար ալ-Ասադի և նրա հակառակորդների միջըև հակամարտությունը սկսվել է 2011 թվականի մարտից։ Ըստ ընդդիմության հաշվարկների՝ հակամարտության զոհ է դարձել մոտ 27 հազար մարդ։