ՔՊ-ական պաշտոնյաներից ովքե՞ր են «ջրից չոր» դուրս եկել. մաս 14

Արարատի՝ ամիսներ առաջ նշանակված մարզպետի անունը սկանդալի կիզակետում հայտնվեց դեռևս 2019 թվականին: Արարատի մարզի Սուրենավան համայնքի Երեւան-Երասխ միջպետական մայրուղին բացելու հոգսն իր վրա էր վերցրել «Իմ քայլի» պատգամավոր Սեդրակ Թեւոնյանի հայրը՝ Արարատի ներկայիս մարզպետ Ռազմիկ Թեւոնյանը։ Նա եւ իր հրոսակախումբը, բառի բուն իմաստով, անցել էին ձեռնամարտի, որ բացեն փակված ճանապարհը։

Մամուլը նաև գրել էր, որ մարզպետ Ռազմիկ Թևոնյանի անունից որոշել էին մարտի 1-ի հանրահավաք եկողներին կերակրել՝ գյուղերից Երևան մեկնող ավտոբուսներում քյաբաբ էին հյուրասիրում, որ մարդիկ ուրախ-զվարթ, քյաբաբ ուտելով, գան Երևան՝ միտինգի։

Պաշտոնը ստանձնելուց անմիջապես հետո Ռազմիկ Թեւոնյանը  մարզի համայնքապետերին հավաքել է «Մորենա» ռեստորանում եւ մերձեցման երեկո անցկացրել՝ առաջարկելով համայնքապետերին, որ իրեն թիկունք կանգնեն, թիմ լինեն, խոստացել է, որ ինքն էլ լավ աչքով կնայի յուրայիններին։

Ինչպես տեսնում ենք՝ յուրայիններին լավ աչքով նայելը այս իշխանությունների մոտ բարի ավանդույթ է..