Խաբված միլիարդատերը դատի է տալիս Գագոսյանին

Ամերիկացի միլարդատեր Ռոնալդ Պերելմանը դատի է տվել իր նախկին ընկեր և գործընկեր Լարրի Գագոսյանին, ում մեղադրել է ժամանակակից արվեստի գործ հանդիսացող քանդակի վաճառքի գործում գների շահադիտական կերպով բարձրացման մեջ։ Ինչպես հաղորդում է «The Guardian»-ը, Գագոսյանը պատասխան հայցով դիմել է դատարան` մեղադրելով նրան պատվիրված գործերի համար չվճարելու մեջ։

Խոսքը գնում է մի քանի աշխատանքների մասին, որոնք Պերելմանը ձեռք է բերել Գագոսյանի թանգարանից 2012 թվականին։ Հատկապես խոսվում է Ջեֆֆ Կունսայի «Պապաի» քանդակի մասին, որը դեռ ավարտին հասցված էլ չէ. այն Պերելմանը համաձայնել է գնել 4 միլիոն դոլարով:

Պերելմանն իր հայցում նշում է, որ Գագոսյանն օգտվել է նրանից, որ իրեն վստահում են միլիարդատիրոջ գործարքի իրականացումը, սակայն չի պատմել իր համաձայնության մասին Կունսի հետ, որը սահմանափակում է դնում վերավաճառման վրա։ Պերելմանը պնդում է, որ իրականում քանդակն ավելի թանկ արժի, սակայն ինքը չի կարողանում այն վերավաճառել թանգարանի միջոցով իրեն շահութաբեր տարբերակով, քանի որ համաձայն պայմանավորվածության` նա պետք է գումարի 70 տոկոսը նախoրոք փոխանցի աշխատանքի հեղինակին։
Ինչպես հաղորդում է The New York Daily News-ը, Պերելամենի հայց ներկայացնելուց ժամեր անց նրա նկատմամբ պատասխան հայց է ներկայացրել թանգարանը։ Ավելի վաղ Պերելմանը ձեռք է բերել թանգարանից աշխատանքներ 23,1 միլիոն դոլարի սահմաններում` դրա դիմաց վճարելով միայն 4,7 միլիոն դոլար։ Դրա փոխարեն Պերելմանը թանգարանին է առաջարկել իր հավաքածուից մի քանի աշխատանք։ Թանգարանը պահանջում է, որպեսզի Պերելմանը վճարի հասցված բոլոր վնասների դիմաց։

Հայցերը կուսումնասիրվեն Նյու-Յորքի Բարձրագույն դատարանում։

Լարրի Գագոսյանը համարվում է ամենաազդեցիկ արտ-դիլերներից մեկը ժամանակակից մշակույթի շրջանակներում։ Նրա թանգարանը ներկայացնում է Կունսայի, Սայա Տվոմբլիայի, Էնդի Ուորխոլայի, Խեստայի աշխատանքները։ Պերելմանը «MacAndrews & Forbes» հոլդինգի սեփականատերն է, ով 2012 թվականին 63-րդ տեղն է զբաղեցրել միլիարդատերերի ցուցակում։ Նա համագործակցում է Գագոսյանի հետ այս 20 տարիների ընթացքում։