Եգիպտոսում ԱՄՆ-ի դեսպանատունը վերսկսել է աշխատանքը

Եգիպտոսում ԱՄՆ-ի դեսպանատունը երեքշաբթի օրվանից վերականգնել է իր աշխատանքը, վերականգնվել է նաև մուտքի արտոնագրերի տրամադրման ընթացակարգը. գրում է «Московский Комсомолец» թերթը։

Դեսպանատան աշխատանքների վերականգնման մասին խոսվում է դիվանագիտական առաքելության հրապարակած հատուկ հայտարարությունում, որը տարածվել է Կահիրեում։

Հիշեցնենք, որ դեսպանատան բնականոն աշխատանքները խաթարվել էին «Մահմեդականների անմեղությունը» ֆիլմի հետևանքով առաջացած ԱՄՆ-ի դեմ զանգվածային բողոքի ցույցերի արդյունքում։ Եգիպտական անվտանգության ուժերի հետ բախումների վերածված չորս օր տևած անկարգությունների հետևանքով զոհվել էր մեկ և վիրավորվել ավելի քան 200 մարդ։

Եգիպտոսում ԱՄՆ-ի դեսպան Էն Պատերսոնը, ընդհատելով իր հանգիստը, վերադարձել է Կահիրե անցյալ շաբաթվա վերջին, որը եգիպտական մայրաքաղաքում հակաամերիկյան ելույթների ամենաթեժ շրջանն էր։