ՔՊ-ական պաշտոնյաներից ովքե՞ր են «ջրից չոր» դուրս եկել. մաս 18

Վերլուծական 20 Մայիս, 2021 21:04

Գաղտնիք չէ, որ Դավթաշեն համայնքի ղեկավար, իշխանական «Քաղաքացիական պայմանագիր» կուսակցության անդամ Միքայել Թումասյանը շրջում է սև գույնի Porsche Panamera մակնիշի մեքենայով, ֆիքսել էին նաև «գոլդ» համարանիշը՝ 01 MT 110։ Եթե հաշվի առնենք այս մեքենայի գինը, որ շուկայում մինչև 100 հազար դոլարի է հասնում, զուգահեռ անցկացնենք վարչական շրջանի ղեկավարի (թաղապետի) որոշում ընդունելուց զուրկ լիազորությունները և դրա դիմաց 275.000 դրամ մաքուր աշխատավարձը, չաշխատող ընտանիքը, կենցաղային հոգսերը, ապա շարքային թաղապետը հաստատ չէր կարող իրեն թույլ տալ նման ճոխություն։

Այդ դեպքում որտեղի՞ց և ինչի՞ հաշվին է վարչապետ Նիկոլ Փաշինյանի կուսակից երիտասարդ թաղապետն այսքան ճոխ մեքենա ձեռք բերել։ Լրագրողների այս հարցին ի պատասխան՝ Միքայել Թումասյանը պատմեց իր հարուստ աներոջ մասին (Պետական վերահսկողական ծառայության պետ Արգիշտի Քյարամյանի քեռու հայտնի օրինակով)։

Սակայն, ինչպես երևում է, սեփական թանկարժեք ավտոմեքենան նրան չի բավարարում և այդ պատճառով էլ կառավարությունը 9.9 մլն դրամ է հատկացրել Թումասյանի համար ծառայողական ավտոմեքենա գնելու նպատակով:

Պաշտոնը ստանձնելուց անմիջապես հետո էլ Թումասյանը դիմել էր ինքնաիրավչության` փորձելով աշխատանքից ազատել թաղապետարանի աշխատակիցներից Բաբկեն Մկրտչյանին, ով բաց նամակով անգամ դիմել էր Նիկոլ Փաշինյանին: Իրեն շխատանքից ազատելու պատչառ Մկրտչյանը համարում էր այն հանգամանքը, որ հանդիսանում է ՀՀԿ անդամ: Իհարկե, այս ինքնաիրավչության համար էլ թաղապետը որևէ պատժի չարժանացավ...