ՔՊ-ական պաշտոնյաներից ովքե՞ր են «ջրից չոր» դուրս եկել. մաս 19

Շարքը շարունակելով` այսօր կանդրադառնանք Ավանի փոխթաղապետ Ներսես Պողոսյանին: Սույն պաշտոնյան ամենօրյա ռեժիմով ագրեսիվ սպառնալիքներով ու պառակտիչ քարոզով գրառումներ է անում ընդիմադիր ուժերի և բանակի հասցեին՝ պատերազմի օրերից մինչև հիմա։ Եվ ահա փոխթաղապետի գրառումները նկատել են բոլորը, բայց չտեսնելու է տալիս նրա վերադասը։

Մարտի 20-ին, Ավանի փոխթաղապետ Ներսես Պողոսյանը հերթական անպարկեշտ գրառումն է կատարել: Ի աջակցություն լրագրող Փայլակ Ֆահրադյանի վրա հարձակված ԲՏԱ նախարար Հակոբ Արշակյանի՝ պաշտոնյային ոչ հարիր, սակայն այս իշխանության ներկայացուցիչներին բնորոշ փողոցային բառապաշարով, վերջինս պիտակավորող գրառում է կատարել ՄԻՊ Արման Թաթոյանի, 17 կուսակցությունների ներկայացուցիչների և լրագրողների մասին:

Հաջորդ անգամ փոխթաղապետը կրկին թիրախավորել էր ՄԻՊ-ին` գրելով. «Ա՛յ, անդաստիարակներ, ձեզ որ լեզվով ասենք, որ հասկանաք՝ թավիշը վերջացել է, պրծա՛վ էնքան չտեսի պես տարաք, վերջացավ։ Ժամանակին, որ ասում էինք թավիշը մի՛ խառնեք թուլության հետ, չէիք հասկանում։Հիմա, չգիտես ինչու՝ ում մի հատ հայրական ապտակ ես տալիս նեղվում են։Ա՛յ Թաթոսյան (ՄԻՊ), բա էդ խի մի օր էդ ջարդված լեզուդ չդատապարտեց 17+-ի կոչերը, չդատապարտեց չբավարարված ու վիբրատորը կորցրած17+-ի պատվերների կատարող լրագրողների պահվածքը, բայց դատապարտում ես նախարարին, դու ոչ թե ՄԻՊ ես, այլ 17ԻՊ»։

Հիշեցնենք, որ ավելի վաղ էլ Ներսես Պողոսյանը վիրավորական արտահայտություններ էր հնչեցրել Դադիվանքի վանահոր նկատմամբ։ Արփինե Հովհաննիսյանին ուղղված փոխթաղապետի վիրավորական գրառումից մեջբերում չենք անի։

Նա վիրավորում է Արցախի հերոս, գեներալ Վիտալի Բալասանյանին, գեներալ-գնդապետ Յուրի Խաչատուրովի՝ պատերազմի ակտիվ մասնակից որդուն, ոչ հեղափոխական պատգամավորների, հանրահավաքի ձերբակալված մասնակիցներին ազատ արձակած դատավորների։

Վերջերս էլ եղափոխական պաշտոնյան պատգամավոր Նաիրա Զոհրաբյանի կատարումն է տեղադիել իր էջին՝ ԲՀԿ ավագանու կազմի կանանց հետ և ԲՀԿ ական տիկնանց անվանել է «ագռավներ»։ Հարկ է ընդգծել, որ երգող «ագռավներից» մեկը «Իմ քայլը» խմբակցության քարտուղար Հակոբ Սիմիդյանի զոքանջն է՝ ՀԱԿ ից նախկին պատգամավոր Լյուդմիլա Սարգսյանը։