ԱՄՆ֊ն հայտարարել է COVID-19֊ի լաբորատոր ծագման ծանրակշիռ ապացույցների մասին

ԱՄՆ Ներկայացուցիչների պալատի հետախուզության կոմիտեի հանրապետականները հայտարարել են, որ առկա են «ծանրակշիռ հանգամանքային ապացույցներ» առ այն, որ COVID-19֊ի բռնկումը կարող է պայմանավորված լինել Վուհանի վիրուսաբանության ինստիտուտից արտահոսքով: Կոմիտեի կայքում տեղադրված զեկույցի համաձայն՝ Չինաստանի համագործակցության բացակայությունը խոչընդոտել է վիրուսի իրական աղբյուրը հայտնաբերելու միջազգային ջանքերին:
Որպես «ապացույց»՝ հանրապետականները անվանել են «հետազոտական ​​լաբորատորիաներից տեղեկատվության արտահոսքի պատճառով՝ վարակների առաջացման մասին» զգուշացումն ու 2017-ին Չինաստանում ամերիկացի դիվանագետների նախազգուշացումը, որ Վուհանը զբաղվում է «կորոնավիրուսների վտանգավոր հետազոտություններով՝ չպահպանելով անվտանգության պարտադիր արձանագրությունները»: Հրապարակումը նշում է նաև, որ լաբորատորիայի որոշ հետազոտողներ 2019-ի աշնանը հիվանդությանը բնորոշ ախտանիշներ են զարգացրել: Բացի այդ՝ հանրապետականները մատնանշել են չինացի զինվորականների ներգրավվածությունը Վուհանի ինստիտուտում։