Բողոքի ակցիա ՌԴ դեսպանատան առջև
Աշխարհ
Facebook սոցիալական ցանցում ստեղծված «Ազատ քաղաքացիներն ազատ քաղաքացիների համար» էջի կազմակերպիչներն այսօր այս պահին Հայաստանում ՌԴ դեսպանության դիմաց բողոքի ակցիա են անցկացնում՝ պահանջելով Ռուսաստանի ընդդիմության առաջնորդների և ընդդիմադիր հասարակական գործիչների անհապաղ ազատ արձակում, նրանց կողմից կազմակերպվող խաղաղ ցույցերի և երթերի թույլատրում, ինչպես նաև ազատ խոսքի դեմ սանձազերծված ապօրինի քաղաքականության դադարեցում։
«Ինչպես և ժողովրդավարացման ճանապարհին գտնվող, սակայն ավտորիտար ռեժիմներ ունեցող շատ երկրներում, այնպես էլ Ռուսաստանում վերջին ընտրությունները ցույց տվեցին, թե որքան անպաշտպան է մարդը նման պայմաններում և ինչ է պատահում նրա հետ, երբ փորձ է արվում կազմակերպել բողոքի ակցիաներ՝ կեղծված ընտրությունների և երկրում տեղի ունեցող անօրինականությունների դեմ: Մենք՝ Հայաստանում նմանատիպ դրսևորումների դեմ հանդես եկող քաղաքացիներս, մեր վրդովմունքն ենք հայտնում ժողովրդավարացման գործըթնացների ջատագովներին բանտերը նետելու քաղաքականության դեմ, անկախ նրանից, թե որտեղ է դա տեղի ունենում՝ Մոսկվայում, Կահիրեում, Մինսկում, թե Մոգադիշոյում»,– նշված է կազմակերպիչների տարածած հայտարարության մեջ:
Այս պահին Հայաստանի ոստիկանությունը խոչընդոտում է ակցիայի անցկացումը՝ դրա մասնակիցներին թույլ չտալով մոտենալ դեսպանատան շենքին:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
