Բողոքի ակցիա Փակ շուկայի մոտ

Հենց նոր մեկնարկեց «Մեր քաղաքը» քաղաքացիական նախաձեռնության կողմից կազմակերպված «Քանդելն արգելվում է հասարակության կողմից» խորագրով բողոքի ակցիան։

Բողոքի ակցիայի մասնակիցների առաջ դրված հիմնական խնդիրն այն է, որ Ծածկած շուկայի նախագիծը դեռևս չի ներկայացվել բաց հասարակության դատին, իսկ հասարակությունը իրավունք ունի տեղեկացված լինել, ինչպես  նաև կատարվող աշխատանքների և նախագծերի վերաբերյալ կարծիք հայտնել։ Այս ամենով  խախտվում է ՀՀ օրենքը և Սահմանադրությունը։

 Հանրապետական նշանակության բացառիկ հուշարձանի՝ Աֆրիկյանների տան հաշվին ճանապարհը լայնացնելու գաղափարը ակցիայի մասնակիցները համարում են ուղղակի թյուրիմացություն։