Ինչո՞ւ երեք տարում չգործարկվեց Մեղրիի ԱՏԳ-ն. Փաշինյանի հեռու գնացող պլանները

Նիկոլ Փաշինյանն այսօր անուղղակիորեն նախկին իշխանություններին մեղադրեց Տիգրանաշենը հանձնելու մտադրության մեջ` հայտարարելով, որ հատուկ արվել է այնպես, որ կառուցվող Հյուսիս-հարավ ճանապարհը չանցնի Տիգրանաշենով:

Սակայն, այստեղ պարզ է հարց է առաջանում, իսկ ինչո՞ւ, օրինակ, Նիկոլ Փաշինյանի կառավարությունը վերջին երեք տարվա մեջ արեց հնարավորն ու անհնարինը Մեղրու ազատ տնտեսական գոտու գործարկումը տորպեդահարելու համար:

Սկզբում դատավարություններ էին, քանի որ Փաշինյանը պնդում էր, որ նախկինները սեփականաշնորհել են ԱՏԳ-ի հողերը, այնուհետև պարզ դարձավ, որ անգամ հաշվարկ չի արվել, թե ԱՏԳ-ի գործարկումը պետության վրա որքան կնստի, սա մի դեպքում, երբ նույն իրանական կողմը բազմիցս  առաջարկել է իր օգնությունը գոտու արդիականացմանը նպաստելու հարցում: Այնուհետև խնդիր էր առաջացել սահմանային պարեկային ծառայության կազմակերպման հետ և այդ խնդիրը երկար բարակ քննարկվում էր իրանական կողմի հետ: Դրանից հետո էլ տարաձայնություններ ի հայտ եկան շինարարական ընկերության հետ կապված՝ շինարարության արժեքի հետ: 

Այսքանից հետո շարքային հպարտ քաղաքացիները կարո՞ղ են ենթադրել, որ նույն Փաշինյանի տրամաբանությամբ՝ նա ամեն բան արել է Մեղրու ԱՏԳ-ի վերագործարկումը կանխելու համար, քանի որ պատրաստվում էր Մեղրին հանձնել կիրթ Ալիևին...