7-րդ գումարման ԱԺ-ի լռակյացները՝ ՔՊ նախընտրական ցուցակում

ՔՊ նախընտրական ցուցակի պոտենցիալ անցողիկ տեղերում են գտնվում այնպիսի պատգամավորներ, որոնք շուրջ երեք տարվա գործունեության արդյունքում  իրենց պաշտոնում հասարակության համար որևէ օգտակար աշխատանք չեն արել:

Արփինե Դավոյանը երեք տարվա ընթացքում ամբիոնին է մոտեցել 18 անգամ, տվել 9 հարց, բացակայել՝ 59 անգամ:

Նազելի Բաղդասարյանը 3 տարիների ընթացքում տվել է 16 հարց, ունեցել 35 ելույթ, հանդես եկել ընդամենը 8 օրենսդրական նախաձեռնությամբ` բացակայելով 99 անգամ:

Ռուբեն Ռուբինյանը տվել  է մեկ հարց, ունեցել 12 ելույթ, հանդես եկել 7 նախաձեռնությամբ, մի դեպքում, երբ բացակայել է 282 անգամ:

Հայկ Կոնջորյանը տվել է 6 հարց, ունեցել 24 ելույթ, հանդես եկել 9 նախաձեռնությամբ, բացակայել է 97 անգամ:

Անդրանիկ Քոչարյանը տվել է 6 հարց, ունեցել 9 ելույթ, բացակայել` 115 անգամ:

Մարիա Կարապետյանը տվել է 3 հարց, ունեցել 22 ելույթ, հանդես եկել 8 նախաձեռնությամբ, բացակայել է 171 անգամ:

Հռիփսիմե Գրիգորյանը տվել է 6 հարց, ունեցել մեկ ելույթ, բացակայել է 187 անգամ:

Սեդրակ Թևոնյանը տվել է 0 հարց, ունեցել 0 ելույթ, բացակայել է 43 անգամ:

Վահե Ղալումյանը տվել է 0 հարց, ունեցել 0 ելույթ, բացակայել է 54 անգամ:

Էմմա Պալյանը տվել  է 0 հարց, ունեցել 0 ելույթ, նախաձեռնել 0 օրենսդրական նախաձեռնություն:

Դիտարկելով ՔՊ-ական այս պատգամավորների երեքամյա բուռն աշխատանքային գործունեությունը երկրի թիվ մեկ քաղաքական ինստիտուտում` հարց է առաջանում` իսկ վերջիններիս ընտրվելու դեպքում ո՞րն է լինելու հասարակության օգուտը, եթե շուրջ երեք տարի նրանք զբաղվել են բյուջեի հաշվին պարգևավճարներ ստանալով, բացակայելով և չեն բարիհաճել նույնիսկ մոտենալ ԱԺ ամբիոնին...