Գիտնականները չեն գտել որևէ ապացույց կորոնավիրուսի՝ մարդու գենոմի մեջ ներթափանցման մասին

Ավստրալացի գիտնականները, Իսպանիայի և Բրիտանիայի իրենց գործընկերների հետ միասին, ուսումնասիրել են SARS-CoV-2 վիրուսով վարակված բջջի ԴՆԹ կառուցվածքը և չեն գտել ապացույցներ այն մասին, որ վիրուսը կարող է ինքն իրեն ինտեգրվել մարդու գենոմում։ Ուսումնասիրությունը հրապարակվել է bioRxiv֊ում։

«Փորձերի ընթացքում մենք ապացույցներ չենք գտել այն մասին, որ SARS-CoV-2-ն ի վիճակի է ինտեգրվել վարակված բջջի գենոմի մեջ, ինչը ենթադրում է, որ նման բան կամ անհնար է, կամ լինում է առանձին դեպքերում»,-ասել են գիտնականները:

Ուսումնասիրության շրջանակներում՝ գիտնականները վարակել են քաղցկեղի բջիջները COVID-19- ով՝ հետևելու, թե արդյո՞ք վարակիչ բջիջների գենոմում կհայտնվեն ԴՆԹ մոլեկուլներ, որոնք պարունակում են կորոնավիրուսի գենոմի պատճեն։ Բացի այդ՝ գիտնականները ձեռնարկել են մի շարք քայլեր` նվազեցնելու սխալների կամ զուգադիպությունների ռիսկը, որոնք կարող են խեղաթյուրել վերջնական արդյունքը: Փորձի արդյունքների համաձայն՝ հետազոտողները չեն կարողացել գտնել SARS-CoV-2 վիրուսի ԴՆԹ-ի ամբողջական ինտեգրման մեկ օրինակ, ինչը ենթադրում է, որ կորոնավիրուսը, սկզբունքորեն, ի վիճակի չէ ինքն իրեն ինտեգրվել մարդու գենոմում, կամ դա տեղի է ունենում չափազանց հազվադեպ: