Էրդողանը Վրաստան-Ադրբեջան-Հայաստան եռակողմ համագործակցությանը աջակցելու պատրաստակամություն է հայտնել
Թուրքիա
Թուրքիան Վրաստանին համարում է տարածաշրջանային համագործակցության բանալի եւ ցանկացած եռակողմ, այդ թվում՝ Վրաստան-Ադրբեջան-Հայաստան ձեւաչափին աջակցելու պատրաստակամություն է հայտնում: Այս մասին Թուրքիայի նախագահ Ռեջեփ Թայիփ Էրդողանը հայտարարել է Անկարայում Վրաստանի վարչապետ Իրակլի Ղարիբաշվիլիի հետ բանակցություններից հետո կայացած մամուլի ասուլիսում, հաղորդում է ՏԱՍՍ-ը:
«Մենք հավատում ենք, որ կկարողանանք իրականացնել տարբեր աշխատանքներ, որոնք կամրապնդեն եւ կմեծացնեն կարեւորությունն ու խաղաղությունը մեր տարածաշրջանում: Նշվածի շրջանակներում շատ կարեւոր է Ադրբեջանի հետ եռակողմ համագործակցությունը: Մենք՝ Թուրքիան, աջակցում ենք ցանկացած եռակողմ համագործակցությանը՝ լինի դա Վրաստան-Ադրբեջան-Հայաստան կամ Վրաստան-Ադրբեջան-Թուրքիա»,- ասել է Էրդողանը:
Նա նաեւ հայտարարել է, որ Վրաստանի մասնակցությամբ հնարավորինս արագ գերագույն ռազմավարական խորհուրդ անցկացնելու որոշում է կայացվել:
Վրաստանի վարչապետն, իր հերթին, հույս է հայտնել, որ երկու հանրապետությունները կկարողանան ավելի շատ համատեղ ծրագրեր իրականացնել եւ խորացնել համագործակցությունը: Ղարիբաշվիլին Էրդողանին հրավիրել է Թբիլիսի:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
