Նոր Հայաստանի քաոսն ու անարխիան. անվտանգությունն արտոնությո՞ւն է

2018թ. ընթացքում Հանրապետությունում արձանագրվել է հանցագործության 22.551 դեպք (2017թ.՝ 20.285), որոնցից 11.344-ը՝ Երևան քաղաքում:

2019թ. ընթացքում Հանրապետությունում արձանագրվել է հանցագործության 26.850 դեպք, որոնցից 14.961-ը Երևան քաղաքում:

2020թ.-ի ընթացքում Հանրապետությունում արձանագրվել է հանցագործության 26.468 դեպք՝ նախորդող տարվա 26․850-ի դիմաց:

Ակնհայտ է այն դինամիկան, որով հեղափոխությունից հետո հանցավորության մակարդակը կտրուկ աճ է արձանագրել, իսկ վերջին շրջանում Հայաստանում և, մասնավորապես, Երևանում գրեթե օր չի լինում, որ ականտեսը չդառնանք արյունալի կրիմինալ ռազբորկաների: Անվտանգություն խոստացած իշխանություններն այսօր ի վիճակի չեն ապահովել քաղաքացիները անվտանգ զբոսանքը մայրաքաղաքի սրտում անգամ: Պատճառներն էլ ավելի քան պարզ են՝ իրավապահ համակարգը լծված է Նիկոլ Փաշինյանի և նրա թիմակիցների անվտանգության ապահովմամբ, իր հերթին կրիմինալն անչափ զգայուն է քաղաքական իշխանության դիլետանտիզմի կամ ինչու ոչ՝ իր դեմ պայքարել չցանկանալը ֆիքսելու հարցերում: Բնական է, որ համապատասխան տարրերը պետք է շտապեին օգտվել թույլ իշխանություններից, իր բուն գործառույթների մասին մոռացած իրավապահ մարմինների պարապությունից և արդյունքում երկրում ստեղծվեր տոտալ քաոս, անարխիա և բեսպրեդել...