Ովքե՞ր են 2020-ին ամենամեծ պարգևավճարների արժանացած պաշտոնյաները

2020 թվականին չնայած Հայաստանը պատուհասած արհավիրքներին՝ ի դեմս կորոնավիրուսի համավարակի և 44-օրյա պատերազմի, պետական ապարատում շարունակվել են ճոխ պարգևատրումները: Ահա թե ովքեր են նախորդ տարի բյուջեից միլիոններ քերել՝ իրենք իրենց խրախուսելով արդյունավետ և բուռն աշխատանքի համար:

ՀՀ փոխվարչապետ Մհեր Գրիգորյանը 2020-ի ընթացքում ստացել է մոտ 11,3 մլն դրամ պարգևավճար

ՀՀ փոխվարչապետ Տիգրան Ավինյանը 2020-ին պարգեւատրվել է 12 մլն դրամով:

ՀՀ ոստիկանապետ Վահե Ղազարյանը 2020-ին պարգեւատրվել է  6 մլն 800 հզր դրամով:

ՀՀ վարչապետի մամուլի քարտուղար Մանե Գեւորգյանը 2020-ին ստացել է ավելի քան 3,7 մլն դրամ պարգեւավճար։

Աժ նախագահ Արարատ Միրզոյանը ինքն իրեն պարգևատրել է շուրջ 1 միլիոն դրամի չափով:

ՀՀ աշխատանքի եւ սոցիալական հարցերի նախկին նախարար Զարուհի Բաթոյանը միայն սեպտեմբեր ամսին ստացել է 603 հազար 198 դրամ աշխատավարձ եւ 962 հազար 305 դրամ պարգեւավճար (օգոստոս ամսվա համար): 

ՊԵԿ նախագահ Էդվարդ Հովհաննիսյանը ստացել է 2.285.798 դրամ, որից 1.493.798 դրամ պարգևավճար և դա հոկտեմբեր ամսին՝ պատերազմի ամենաթեժ պահին:

ՀՀ վարչապետի աշխատակազմում 2020թ–ի ընթացքում 363 178 700 դրամի պարգևավճար է վճարվել։ Ընդ որում, որոշ աշխատաիկիցներ իրենց աշխատավարձը գերազանցող պարգևավճարներ են ստացել։

Ֆինանսների նախարարը, որի պահպանության տակ է երկրի ողջ գանձապետարանը, նույնպես զերծ չի մնացել պատերազմի թեժ պահին ինքն իրեն պարգևավճար գրելուց` մոտ 73 մլն դրամ

2020 թ.-ին ՀՀ ՔԿ աշխատակիցներին, ընդհանուր առմամբ, հատկացվել է 2,663,320 ԱՄՆ դոլար պարգևավճար

Սփյուռքի գործերի գլխավոր հանձնակատար Զարեհ Սինանյանը պաշտոնն ստանձնելուց անմիջապես հետո սկսել է պարգեւատրումներ ստանալ՝ ընդհանուր առմամբ 11 անգամ: 2020 թվականի առաջին կիսամյակում Զարեհ Սինանյանը պարգեւատրվել 4 անգամ, որի ընդհանուր գումարը կազմել է 2.738.000 դրամ։

ՀՔԾ պետ Սասուն Խաչատրյանը 2020-ին 5 մլն 664 հզր դրամ պարգևավճար է ստացել: