Իշխանական նվիրյալները. ովքե՞ր են «վիզ դնում» մարզերում մասովկա և ձայն հավաքելու համար

Նիկոլ Փաշինյանի թիմակիցները յուրահատուկ մրցավազքի մեջ են մտել, թե ով ավելի շատ մարդ կհավաքագրի վարչապետի պաշտոնակատարի նախընտրական հանդիպումներին մասնակցելու նպատակով: Այս գործին են լծվել թե ՔՊ-ական պաշտոնյաները, որոնց աշխատանքը, ըստ էության, դրանում չի կայանում, այլ ժողովրդին ծառայելու, թե այսպես ասած` աջակիցները, որոնք իրենց հերթին ինչ-ինչ շահեր են հետապնդում գործող իշխանությունների վերարտադրությունից:

Դիցուք՝ մամուլից տեղեկատվություն ստացվեց այն մասին, որ Արմավիրի մարզի դպրոցների, համայնքային բոլոր հիմնարկների աշխատակիցներն իրենց բնակության վայրերի մոտիկ գյուղերի հավաքատեղիներում պետք է լինեն այն ժամերին, երբ Նիկոլ Փաշինյանը կգտնվի տվյալ համայնքում: Դպրոցների տնօրեններին վերադասի հրահանգը, ԶԼՄ-ի ներկայացուցիչների հետ կապ հաստատած դպրոցների աշխատակիցների  խոսքով, փոխանցել է Արմավիրի մարզպետարանի Կրթության, մշակույթի ու սպորտի վարչության պետ Սոնյա Բուդաղյանը: Վերջինս, ի դեպ, շրջում էր գյուղերով, մասնակցում Նիկոլ Փաշինյանի քարոզարշավին կրկին աշխատանքային ժամին ու հընթացս մարդահաշվարկ ու ներկա-բացակա կատարում՝ հավանաբար հետագայում արդեն իսկ հնչեցրած սպառնալիքն իրագործելու համար:

«Ընտրությունների վերահսկման կոմիտեի» կողմից համացանցի մշտադիտարկման արդյունքում հայտնաբերվել է «Վանաձորի բժշկական կենտրոն» ՓԲԸ տնօրեն, «Քաղաքացիական պայմանագիր» կուսակցության պատգամավորի թեկնածու Վահագն Մկրտչյանի գրառումն այն մասին, որ նույն կուսակցության պատգամավորի երկու այլ թեկնածուների (մարզպետի եւ առողջապահության նախարարի պաշտոնակատարի) օժանդակությամբ, հունիս ամսից 10-20%-ով բարձրացվել է բժշկական կենտրոնի շուրջ 370 աշխատակցի աշխատավարձ։

Yerkir.am-ի տեղեկություններով՝ Աշտարակում հանդիսատես հավաքելու գործին է լծվել Աշտարակի բժշկական կենտրոնի տնօրեն Արգիշտի Հովհաննիսյանը։ Հովհաննիսյանը, ըստ հավաստի տեղեկությունների, բուժկենտրոնի անձնակազմի առաջ խիստ պահանջ է դրել՝ պարտադիր ներկա լինել իշխանության նախընտրական հանրահավաքին եւ բերել հարազատներին, ընտանիքի անդամներին՝ ցուցակներով։ Արգիշտի Հովհաննիսյանը սպառնացել է նաեւ, որ անպայման ստուգելու է ցուցակները, թե ով ում բերեց ու քանի հոգու բերեց։ Ի դեպ, Արգիշտի Հովհաննիսյանը Աշտարակի բուժկենտրոնի տնօրեն է նշանակվել 2019-ի մարտի 27-ին:

«Հրապարակի»  խմբագրությունը ահազանգ է ստացել, որ Արագածոտնի մարզպետի նորանշանակ տեղակալ Տիգրան Եղիազարյանն ու մարզպետարանի կրթության, մշակույթի և սպորտի վարչության պետ Սեդա Սողոմոնյանը զբաղված են Նիկոլ Փաշինյանի այսօրվա հանրահավաքի համար մարդկանց հավաքագրելով։

Այս թեմայով Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան