ՔՊ նախընտրական ցուցակի ուշագրավ դեմքերը. Գուրգեն Մելքոնյան

Ընթերցողի ուշադրությանն ենք ներկայացնում հերթական շարքը, որում կդիտարկենք արտահերթ խորհրդարանական ընտրություններին մասնակցության հայտ ներկայացրած քաղաքական ուժերի ցուցակներում հանգրվանած առավել հետաքրքրիր և ուշագրավ դեմքերին, վերջիններիս գործունեությունը, նրանց հետ կապված հետաքրքրաշարժ պատմությունները:

Եվ այսպես՝ նախկինների հետ երկար տարիներ աշխատած, 2000-2008 թվականներին պաշտպանության նախարարի տեղակալ թիկունքի գծով, զինված ուժերի թիկունքի պետի պաշտոնը զբաղեցրած Գուրգեն Մելքոնյանը ՔՊ-ի ցուցակով մտնում է ընտրապայքարի մեջ։ Հատկանշական է, որ Գուրգեն Մելքոնյանը ՊՆ-ում աշխատել է 2-րդ նախագահ Ռոբերտ Քոչարյանի նախագահության տարիներին։

2008 թվականի մարտյան արյունալի իրադարձությունների ժամանակ Պաշտպանության փոխնախարարի պաշտոնը զբաղեցրած գեներալ Գագիկ Մելքոնյանը թերևս միակն է, ով պնդում է, որ երկրորդ նախագահ Ռոբերտ Քոչարյանը տեղյակ է եղել 0038 հրամանի բովանդակությունից, որով զինված ուժերը բերվել են զորանոցային վիճակի և տեղաշարժվել Երևան: 2008թ. մարտի 1-ից առաջ ՀՀ նախկին նախագահ Ռ. Քոչարյանի հրամանով ազատվեց փոխնախարարի պաշտոնից, քանի որ առաջին նախագահ Լ. Տեր-Պետրոսյանը հայտարարեց, թե Մելքոնյանը եւս միացել է իրեն:

Մինչ 44 օրյա պատերազմի սկսկվելը, Մելքոնյանը Դավիթ Տոնոյանի ոգով հայտարարում էր, որ եթե հակառակորդը ռազմական գործողությունների գնաց, մենք նոր հողեր ենք գրավելու: Վերջին շրջանում Մելքոնյանի անունը մամուլում շրջանառվել է կապված «Միկա Ցեմենտ» գործարանի գնման հետ, վերջինս իր հերթին չի ժխտել գործարքի փաստը: Մելքոնյանը նաև սկանդալային հայտարարություն էր արել ամիսներ առաջ՝ ԳՇ հայտնի հայտարարությունից հետո, նշելով՝ «Աստված չանի՝ որևէ մեկը հեղաշրջման փորձ անի, ժողովուրդը կանգնած է վարչապետի կողքը, ու  նրանց բոլորին կսրբի կտանի»: Մեկ այլ հայտարարություն էր վերաբերվում էր Արցախում նախագահի ընտրությանը, Մելքոնյանը պնդում էր, որ նախկինում Արցախի նախագահ նշանակվում էին Հայաստանի նախկին իշխանությունները։