ՔՊ նախընտրական ցուցակի ուշագրավ դեմքերը. Արուսյակ Մանավազյան

Շարունակում ենք ընթերցողի ուշադրությանը ներկայացնել ՔՊ նախընտրական ցուցակում տեղ գտած ուշագրավ թեկնածուներին և այն պատմությունները, որոնցում վերջիններս հայտնվել են:

Այսօր կանդրադառնանք ՔՊ ցանկում հանգրվանած Արուսյակ Մանավազյանին, ում անունը կապվում էր կառավարական առանձնատան վերանորոգման շուրջ ծագած սկանդալի հետ: Մամուլում անցյալ տարի մեծ աղմուկ բարձրացրեց կառավարական առանձնատների վերանորոգման հարցը: Ըստ լուրերի` կառավարական առանձնատների վերանորոգման համար 2 մլն դոլար էին ծախսել, ու ամառանոցներում տեղակայվել է անգամ տիկին Աննա Հակոբյանի անձնական օգտագործման համար վարսավիրանոց: Սակայն, վարչապետն ուղիղ եթեր մտավ ու սկսեց ցույց տալ, թե կոնկրետ այն առանձնատան վրա, որտեղ իր ընտանիքն է բնակվում, ինչ աշխատանքներ են կատարվել: Ըստ նրա` մամուլում ներկայացվող թիվը ուռճացված է 10 անգամ: ՊՎԾ-ն գրավոր հարցմանն ի պատասխան` հաստատել է, որ ֆինանսական չարաշահումներ են հայտնաբերել «Կոնդի առանձնատների տնտեսություն» ՊՈԱԿ-ում՝ մասնավորապես 2019-ին առանձնատների վերանորոգման աշխատանքներում:

ՊՈԱԿ-ի տնօրեն է եղել «Իմ քայլը» խմբակցության քարտուղար Հակոբ Սիմիդյանը, բայց դա եղել է 2018-ին, երբ կառավարական առանձնատների վերանորոգման աշխատանքները չէին կատարվել: Սկանդալի պահին տնօրենի լիազորությունները կատարում է Արուսյակ Մանավազյանը։ Նա «Քաղաքացիական պայմանագիր» կուսակցության անդամ է, նաեւ ԱԺ ընտրություններում ՔՊ-ի նախընտրական ցուցակում 112-րդ համարն էր, 2018 թվականից՝ «Քաղաքացիական պայմանագիր» կուսակցության գլխավոր հաշվապահը։ 

Ինչպես տեսնում ենք՝ կոռուպցիոն սկանդալի կենտրոնում հայտնվելը բնավ չի խանգարել Մանավազյանին հայտնվել՝ ՔՊ նախընտրական ցանկում: