Նոր գեղարվեստական ֆիլմ Գարեգին Նժդեհի մասին (ֆոտոշարք)

«Ոչինչ չի մնա», «Խաչագողի հիշատակարանը», «Սպանված աղավնին», «Մի վախեցիր» և մի շարք այլ ֆիլմերի բեմադրիչ Հրաչ Քեշիշիշյանը մեկնարկել է նոր « Գարեգին Նժդեհ» ֆիլմի նկարահանումները:

Ֆիլմը նկարահանումները սկսվել են Գյումրիում՝ բավականին սուղ միջոցներով:

Դերասանական անձնակազմում ընդգրկված են ինչպես նոր, այպնես էլ հեռուստադիտողին արդեն ծանոթ դերասաններ, ինչպիսիք են՝ Խորեն Լևոնյանը, Դավիթ Թադևոսյանը, Վարշամ Գևորգյանը, Շանթ Հովհաննիսյանը, Աշոտ Փանոսյանը, նաև արտասահմանյան հայտնի դերասաններ:

Ի դեպ, ֆիլմի նկարահանման համար արտասահմանից հրավիրվել է գլխավոր նկարիչ, հատուկ էֆեկտների մասնագետ Անդրեյ Նովիկովը, ով իր խոսքերում նշել է, որ շատ գոհ է թիմի պրոֆեսիոնալիզմից:

Հրաչ Քեշիշյանը ֆիլմի միջոցով նպատակ ունի կրթելու 21-րդ դարի երիտասարդին, փոխանցի նրան մեծ զորավարի՝ Գարեգին Նժդեհի հայրենասիրությունը:

«Ես կարող եմ վստահաբար ասել, որ ֆիլմը նկարահանում եմ որդիներիս համար: Որպեսզի նրանք պատկերով տեսնեն, կարդալը քիչ է: Երեխային պետք է դաստաիարակել ՝ հիշեցնելով, թե ով ենք մենք»:

Քանի որ Հրաչ Քեշիշյանի նկարահանած ֆիլմերի գրեթե բոլորի երաժշտության հեղինակը երգիչ, կոմպոզիտոր Հայկոն է, փորձեցինք պարզել, այս անգամ է՞լ է նա գրելու երաժշտությունը.

«Անկեղծ ասած դեռ հստակ չենք խոսել այդ մասին Հրաչի հետ, բայց 99% –ով ես եմ գրելու» ,- ասաց Հայկոն :

Ըստ ռեժիսորի օգնականի փոխանցած տվյալների՝ ֆիլմը, ըստ երևույթին, պատրաստ կլինի տարեվերջին:

{gallery}hrach{/gallery}