«Պատիվ ունեմ» դաշինքի նախընտրական ցուցակի ուշագրավ դեմքերը. Ստանիսլավ Համբարձումյան

Շարունակում ենք ընթերցողի ուշադրությանը ներկայացնել արտահերթ խորհրդարանական ընտրություններին մասնակցող քաղաքական ուժերի ցանկերում տեղ գտած առավել ուշագրավ դեմքերի հետ: Այսօր կանդրադառնանք «Պատիվ ունեմ» դաշինքի ցանկում հայտնված Արկադի Համբարձումյանի՝ Դերժավի Արկադիի որդի Ստանիսլավ Համբարձումյանին: 

Վերջինս հանդիսանում է «էս էռ Հոթել» ՍՊԸ-ի տնօրեն, նրա անունը հայտնվեց մամուլում՝ ապօրինի շինարարության հետ կապված սկանդալի շրջանակներում: Ստանիսլավ Համբարձումյանը Մաշտոցի 52 հասցեում անօրինական շինարարություն էր իրականացնում: Նշյալ հասցեում գտնվում է Երևանի պետական համալսարանի նախկին հյուրատունը, որտեղ Համբարձումյանները շքեղ հյուրանոց են կառուցում: 2015 թվականին ԵՊՀ հյուրերի տունը, կառավարության որոշմամբ, հանձնվեց ԵՊՀ հիմնադրամին, որից հետո ԵՊՀ-ն գույքը հանեց աճուրդի՝ 1 քմ 1500 դոլարով: Աճուրդի միակ մասնակիցը դարձավ «ԷՍ ԷՌ Հոթել» ՍՊԸ-ն, որը պատկանում է ԱԺ ՀՀԿ խմբակցության նախկին պատգամավոր Արկադի Համբարձումյանի՝ Դերժավայի Արկադիի որդուն՝ Ստանիսլավ Համբարձումյանին: «ԷՍ ԷՌ Հոթել» ՍՊԸ-ի միակ սեփականատերը և հիմնադիրը Ստանիսլավ Համբարձումյանն է: Այս մասին տեղեկանում ենք էլեկտրոնային ռեգիստրի տվյալների բազայից: Բացի այն, որ Համբարձումյանները նշյալ կառույցում անօրինական շինարարություն են իրականացնում, զուգահեռաբար ոտնահարել են մեկ այլ տնտեսվարողի՝ «Շանտան» ՍՊԸ-ի սեփականատիրոջ իրավունքները: 2003 թվականից «Շանտան» ՍՊԸ-ն ԵՊՀ հյուրերի տանը հանդիսացել է գույքի սեփականատեր-տարածքի վարձակալ: Այդ ամենը եղել է փաստաթղթերով՝ գրանցված կադաստրում:

2013-ին Համբարձումյանի անունը հայտնվել էր նաև կրիմինալ  քրոնիկոնում: Նա բերման էր ենթարկվել զենք-զինամթերք կրելու կասկածանքով, դրանից մի քանի տարի առաջ էլ Համբարձումյանին բերման էին ենթարկել ԵՊՀ շենքի տարածքում կրակոցներ արձակելու կասկածանքով:

Համբարձումյանը հայտնի է նաև նրանով, որ մտնում էր ՀՀԿ-ական պաշտոնյաների չծառայած որդիների ցուցակի մեջ:

Այս թեմայով Փաշինյանի ելույթը Սփյուռքի գագաթնաժողովում. սխալ գաղափարներ, սխալ ժամանակի ընտրություն, սխալ վայր Ու վերջում․ մեծ հաշվով, ես ասելիք չունեմ դատարանին. ես խնդրանք ունեմ Աստծուց. Հրայր Թովմասյան Ու վերջում․ մեծ հաշվով, ես ասելիք չունեմ դատարանին. ես խնդրանք ունեմ Աստծուց. Հրայր Թովմասյան Ու վերջում․ մեծ հաշվով, ես ասելիք չունեմ դատարանին. ես խնդրանք ունեմ Աստծուց. Հրայր Թովմասյան 1․5 տարուց ընտրություն է ու այդ ընտրությանը պատրաստվում է ընդամենը մեկ հոգի․ գործարար Հարություն Մնացականյան