Նիկոլ Փաշինյանի քավոր մարզպետի «բուռն» գործունեությունը

Ամիսներ առաջ Նիկոլ Փաշինյանի հրամանով իր իսկ քավոր Հայկ Ղալումյանը նշանակվել է Տավուշի մարզի Իջևան համայնքի ղեկավարի պաշտոնակատար: 

Հայկ Ղալումյանն ու համայնքի՝ հրաժարական ներկայացրած ղեկավար Վարդան Ղալումյանը հորեղբոր թոռներ են: Իջևանում խոսում են, որ վերջին շրջանում Հայկն անընդհատ հորդորել է Վարդանին, որ հրաժարական տա, բայց, տեսնելով, որ չի անում, հրահրել է, որ ստուգումներ սկսվեն նրան պատկանող ձեռնարկություններում, մինչև որ վերջինս հրաժարվել է պաշտոնից: Փաշինյանի քավոր Հայկ Ղալումյանը ստուգումները հրահրել է նաև իր հարազատ եղբայր՝ ՀՀ ԱԺ «Իմ քայլը» խմբակցության պատգամավոր Վահե Ղալումյանի միջոցով, ասում են իջևանցիները:

Փաստորեն, նախկին քաղաքապետի դեմ քրեական գործ հարուցելու շարժառիթը  Փաշինյանի քավորին քաղաքը սկուտեղի վրա մատուցելն էր: Ըստ վարչապետի՝ սա է «ժողովրդի իշխանությունը»: Սակայն, դրանով Փաշինյանը չբավարարվեց՝ ապրիլին Ղալումյանին նշանակելով Տավուշի մարզպետ: 

Ինչով է այս ամիսների ընթացքում աչքի ընկել Հայկ Ղալումյանը, բացի կորոնավիրուսի դեմ հրապարակային կերպով պատվաստվելուց և  41 միլիոն դրամի լեգալ ընտրակաշառք բաժանելուց, թերևս ոչնչով: Տավուշի մարզպետարանի կայքից էլ տեղեկանում ենք, որ այս ամիսների ընթացքում մարզպետը զբաղված է եղել միայն շնորհավորական ուղերձներ հղելով և տարատեսակ սպորտային մրցաշարերի մասնակցելով: Մեկ հանդիպում էլ ունեցել է ՌԴ դեսպան Կոպիրկինի հետ, մասնակցել է բարեգործական ծառատունկին: Թե ինչ ներդրումային ծրագրեր են իրականացվել այս ընթացքում, սահմանամերձ գյուղերի բնակիչների ինչ խնդիրներ են լուծվել ՝այդ մասին մարզպետարանի կայքը լռում է՝ հասկանալի պատճառներով:

Այս թեմայով Ինձ չեն հրավիրել Մայր Տաճարի վերաօծմանը. Արմավիրի մարզպետ (տեսանյութ) Կալավանի հրաշքը․ երբեմնի անկուսակցական, այսօր արդեն՝ ՔՊ-ական Սյունիքի մարզպետ Ռոբերտ Ղուկասյանի ձեռքբերումները Շիրակի մարզի ներուժն ու ներդրումային գրավչությունը ճիշտ ներկայացնելու խնդիր ունենք․ մարզպետ Ադրբեջանը Գեղարքունիքում օկուպացրած տարածքներ ունի, որից պիտի դուրս գա․ Գեղարքունիքի մարզպետ Չկա մարզում այնպիսի ոլորտ, որին ԶՊՄԿ-ն աջակից չէ, որի համար շնորհակալ եմ․ Սյունիքի մարզպետ