Կարկառուն հեղափոխականներից ովքե՞ր են բացակայում ՔՊ նախընտրական ցուցակից

2018-ի ընտրությունների համեմատ` այսօր ՔՊ նախընտրական ցուցակը լրջագույն տրանսֆորմացիաների  է ենթարկվել, մի շարք առանցքային հեղափոխականներ, ովքեր 2018-ին կանգնած էին ամբիոնում Նիկոլ Փաշինյանի կողքին, այսօր կամ հեռացել են ՔՊ-ից, կամ նախընտրել են չմասնակցել ընտրություններին, կամ էլ մասնակցում են այլ քաղաքական ուժի ցուցակով:

Դիցոքուք՝ «Իմ քայլը» դաշինքի ցուցակով խորհրդարանական ընտրություններին մասնակցած Թագուհի Թովմասյանը, որը նոյեմբերի 17-ին դուրս էր եկել «Իմ քայլը» խմբակցությունից, այժմ միացել է «Պատիվ ունեմ» դաշինքին: Թովմասյանը նախընտրական ցուցակի 6-րդ համարն է:

Խմբակցությունից դուրս եկած մեկ այլ պատգամավոր էլ՝ Աննա Գրիգորյանը, միացել է «Հայաստան» դաշինքին՝ զբաղեցնելով ցուցակի երրորդ համարը:

2021 թվականի հունվարի 9-ին «Իմ քայլը» խմբակցությունից դուրս եկած Սոֆյա Հովսեփյանը  չի մասնակցելու ընտրություններին: Խմբակցությունից դուրս եկած մյուս պատգամավորները՝ Արսեն Ջուլֆալակյանը, Գևորգ Աճեմյանը, Վարդան Աթաբեկյանը, Գոռ Գևորգյանը, Գայանե Աբրահամյանը ևս ներառված չեն որեւէ ուժի նախընտրական ցուցակում։ 

«Իմ քայլը» խմբակցության պատգամավորներ Նիկոլայ Բաղդասարյանն ու Արթուր Մանուկյանը հայտնել են, որ չեն ընդգրկվելու ՔՊ համամասնական ցուցակում և չեն մասնակցելու առաջիկա ընտրություններին:

Ավելի վաղ հայտնի էր դարձել, որ Սասուն Միքայելյանը ևս չի մասնակցելու ընտրություններին:

ՔՊ ցուցակում բացակայում են փոխվարչապետի պաշտոնակատար Տիգրան Ավինյանի, Երևանի քաղաքապետ Հայկ Մարությանի, պատգամավորներ Սիփան Փաշինյանի, Սոս Ավետիսյանի անունները: Մամուլում շրջանառվող վարկածներից մեկի համաձայն`չի բացառվում, որ Ավինյանին դեսպան նշանակեն, բայց դա չէր կարող պատճառ լինել, որ նրան ցուցակում չներառեն, չէ՞ որ Լիլիթ Մակունցն էլ արդեն հաստատել է, որ ԱՄՆ-ից դեսպան նշանակվելու հաստատումն արդեն ստացել է, բայց նախընտրական ցուցակում 3-րդ տեղն է զբաղեցնում։

Դավիթ Սանասարյանը, ով հեղափոխության օրերին կանգնած էր հարթակում Նիկոլ Փաշինյանի կողքին, իսկ այնուհետև նշանակվեց ՊՎԾ պետ և ի վերջո էլ հեռացվեց այդ պաշտոնից՝ մեղադրվելով չարաշահումների մեջ, այսօր ընտրություններին մասնակցում է սեփական թիմով և քաղաքական ուժով:

Ցանկում չէ նաև Նարինե Թուխիկյանը, ով հեղափոխությունից հետո զբաղեցնում էր ԿԳՄՍ նախարարի տեղակալի պաշտոնը, այնուհետև ազատվեց զբաղեցրած պաշտոնից՝ վերադասի հետ ունեցած անհամաձայնության արդյունքում:

Լուսինե Բադալյանը, ով 2018-ին հեղափոխական հարթակում էր , իսկ այնուհետև  «Իմ քայլը» դաշինքով՝ դարձավ պատգամավոր, այսօր նույնպես Փաշինյանի կողքին չէ:

ՔՊ ցանկում չէ նաև Սուրեն Զոլյանի որդին՝ Միքայել Զոլյանը, ով հեղափոխության օրերին ակտիվ էր և կանգնած էր հեղափոխական հարթակում:

Այս թեմայով Նազիկ Ավդալյան. Երկար թռիչքի համար հաճախ կարիք է լինում մի քանի քայլ հետ գնալ Կառավարության՝ փաստահավաք խումբ ստեղծելու առաջարկը նախընտրական քայլ է․ Սուրենյանց Մենք միշտ Ադրբեջանից մի քանի քայլ ետ ենք մնում. Էդմոն Մարուքյան ՀՀ ԱՆ-ը հայտնում է, որ Կապիկի ծաղիկի ներթափանցման ռիսկը ցածր է. Էս նշանակում է, որ ոչ մի կանխարգելման քայլ չեն անելու. լրագրող «Այսօր ևս մեկ կարևոր քայլ արվեց Հայաստանի բարձր տեխնոլոգիական ոլորտի համար»․ Հայրապետյան