Մասնագետը հայտնել է, թե որ դեպքում կարող է ավարտվել կորոնավիրուսի համաճարակը

Կորոնավիրուսային համաճարակի ավարտի ժամկետը կախված կլինի պատվաստանյութերի մատակարարման արագությունից՝ հատկապես զարգացող երկրներում, քանի որ դա կօգնի դադարեցնել COVID-19֊ի հետագա մուտացիան, այս մասին ասել է համաճարակաբանության պրոֆեսոր և Լուիզիանայի համալսարանի հանրային առողջության դպրոցի հետազոտությունների դոցենտ Էդուարդ Տրապիդոն։ «Ինձ իմունիտետի անկում ավելի քիչ է անհանգստացնում, քան ԱՄՆ-ում և ամբողջ աշխարհում չպատվաստված բնակչությունը», - ասել է Տրապիդոն։ Փորձագետը կանխատեսում է, որ համաճարակը կշարունակվի մինչ 2022 թվականը, այնուհետև հիվանդությունն ավելի էնդեմիկ կդառնա: Նա նշել է, որ այս գործընթացը կարող է հետաձգվել, քանի որ «մարդիկ ճանապարհորդում են, իսկ վիրուսը մուտացիայի է ենթարկվում»: «Երբ մուտացիաներ են առաջանում, դրանք կարող են արագ տարածվել և հանգեցնել մեծ թվով դեպքերի չպատվաստված մարդկանց շրջանում: Աշխարհում կան շատ երկրներ, որոնք քիչ պատվաստանյութ ունեն կամ ընդհանրապես չունեն», - ասել է Տրապիդոն: Փորձագետը նաև նշել է, որ կորոնավիրուսի նոր, ավելի վարակիչ տարբերակները «մտահոգիչ են»: