Պատմական իրադարձություն հայկական ֆուտբոլում. հայ ֆուտբոլիստը գոլ խփեց Չեմպիոնների լիգայում (Տեսանյութ)

Ֆուտբոլի Չեմպիոնների լիգայի 2012-2013թթ. մրցաշրջանի 1 տուրի E խմբի Դոնեցկի «Շախտյոր» – «Նորդշելանդ» թիմերի հանդիպումը պատմական դարձավ հատկապես հայ ֆուտբոլասերների համար։ ՉԼ պատմության մեջ առաջին անգամ հայ ֆուտբոլիստը դարձավ գոլի հեղինակ։ Այս ուրախալի իրադարձության «մեղավորն» էլ իհարկե Հենրիխ Մխիթարյանն է։

Առաջին խաղակեսի ավարտից վայրկյաններ առաջ մեր հայրենակցին հաջողվեց գրավել մրցակցի դարպասը և հաշվի մեջ առաջ մղել «Շախտյոր»–ին՝ 1-0։ Շնորհավորում ենք մեր ֆուտբոլիստին և բոլոր ֆուտբոլասերներին այս ուրախալի իրադարձության կապակցությամբ։