«Հայկական Ժամանակ». Պատվիրած «փուչիկները» վտանգավոր էին և պայթյունավտանգ
Հայկական Մամուլ
Այն, որ մայիսի 4-ին Հանրապետության հրապարակում փուչիկների պայթյունի և դրա հետևանքով 200-ից ավելի երիտասարդների այրվածքների դեպքի հետ կապված դատավարությունը ֆարս է և ՀՀ պատմության մեջ ամենազանգվածային աղետներից մեկի մեղքը մեկ հոգու վրա բարդելու փորձ, ի սկզբանե պարզ էր: Պարզ էր նաև, որ ՀՀԿ-ական համերգ-հանրահավաքի կազմակերպիչներն են մեղավոր կատարվածի համար, քանի որ տեղյակ են եղել վտանգի մասին:
Եթե մինչ այժմ սրա մասին խոսակցությունները միայն տրամաբանական հետևություններ էին, ապա երեկ հաջողվեց գտնել դրա ապացույցները: Գործով միակ ամբաստանյալ Սերոբ Բոզոյանի ծանոթներից մեկը, որը շատ լավ գիտի, թե երբ և ինչ պայմաններում Էր նա լիցքավորել փուչիկները, երեկ թերթի թղթակցի հետ զրույցում հաստատել է, որ Բոզոյանը համերգի կազմակերպիչներին մի քանի անգամ զգուշացրել է, որ նրանց պատվիրած տարբերակը վտանգավոր է և պայթյունավտանգ: Անտեսելով այդ զգուշացումները' ՀՀԿ-ական տխրահոչակ դեմքերը հենց այդ փուչիկներն են տարել հրապարակ, հենց այդ փուչիկներն են բաժանել համերգին ներկա հարյուրավոր երիտասարդներին և նույնիսկ իրենց նեղություն չեն տվել ամեն ինչ անել, որ «էժանով» ձեռք բերած փուչիկները չպայթեն:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
