Հայտնաբերվել է ախտանիշ, որը ի հայտ է գալիս միայն կորոնավիրուսի դեմ պատվաստված մարդկանց մոտ

Բրիտանացի հետազոտողները հայտնաբերել են ախտանիշ, որը ի հայտ է գալիս միայն պատվաստվածների մոտ, գրում է Express-ը:
Համաձայն ZOE COVID Symptom Study- ի՝ աշխարհի ամենամեծ COVID-19 ուսումնասիրության և ախտանիշների հետևման ծրագրի՝ պատվաստված մարդիկ ի սկզբանե հաճախակի փռշտոց են ունենում: Միևնույն ժամանակ, չպատվաստվածների մոտ դա չի համարվում կորոնավիրուսի նշան, այլ ավելի շուտ մրսածություն կամ ալերգիա: «Չնայած բոլոր մարդիկ կարող են փռշտալ, դա 100%֊անոց ախտանիշ չէ: Այն բավականին տարածված է, հատկապես տաք ամիսներին», - հավելել են հետազոտողները: Ըստ գիտնականների՝ պատվաստված և հետագայում կորոնավիրուսով վարակված մարդիկ, նույնիսկ մեղմ ձևով, ունենում են փռշտոց՝ որպես հետևանք: Ինչպես հայտնի է, կորոնավիրուսի ախտանիշներն են բարձր ջերմությունը, համի և (կամ) հոտի կորուստը, հոգնածությունը, գլխացավը, քթից հոսքը, շնչարգելությունը և հազը:
«Ամեն դեպքում, եթե դուք պատվաստվել եք և սկսել եք առանց պատճառի շատ փռշտալ, դուք պետք է տանը մնաք և հետազոտվեք COVID-19-ի համար, հատկապես եթե ապրում կամ աշխատում եք վարակման բարձր ռիսկի տակ գտնվող մարդկանց հետ», - եզրակացրել են հետազոտության հեղինակները: