Լավանդայի Արայիկը ԲՀԿ-ո՞ւմ
Հայկական Մամուլ
Ըստ «ՉԻ» տեղեկությունների, ՕԵԿ համակիր, գործարար Արայիկ Հայրապետյանը՝ Լավանդայի Արայիկը, ով բազում անգամներ փորձ արեց մանդատ ձեռք բերել ու հայտնվել հայրենի խորհրդարանականների շարքում, ասում են' առաջիկա օրերին մեծ անակնկալ է պատրաստել իր շատ սիրելի ու հարազատ ՕԵԿ-ի համար:
Քաղաքական որոշ շրջանակներում պտտվող լուրերի համաձայն, խոսվում է այն մասին, որ Ա. Հայրապետյանը չի բացառվում, որ իր քաղաքական կարիերան փորձի այսուհետ իրականացնել մեկ այլ ուժի, ըստ ճշտվող տեղեկությունների «Բարգավաճ Հայաստանի» հետ, որի գործունեության մասին նա քանիցս դրական կարծիք է արտահայտել:
Ավելին, ասում են՝ Հայրապետյանը վերջերս իր մտերիմների շրջապատում սրտնեղվել է ՕԵԿ-ի կողմից իրեն բաժին ընկած ճակատագրից ասելով, որ ցանկացած կուսակցության համար այդքան մեծ եռանդով աշխատելու դեպքում ինքը լուրջ գնահատականի կարժանանար: Արդյո՞ք գործարարը մտադիր է փոխել իր քաղաքական վեկտորները, թե ոչ և թե ունի՞ նա անակնկալ հատուկ ՕԵԿ-ի համար՝ «ՉԻ»-ն հարցադրում է արել Ա. Հայրապետյանին, ում բջջային հեռախոսին պատասխանել է մի երիտասարդ' ասելով, որ իր «շեֆը» շատ «վաժնի» հանդիպման մեջ է և որ եթե իրենք նպատակահարմար գտնեն կպատասխանեն մեզ հետաքրքրող հարցերին:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
