Հետընտրական առաջին շոուն. Մարությանը տեղյակ չի՞ եղել ապօրինի շինությունների մասին

Երևանի քաղաքապետ Հայկ Մարությանը երեկվանից լծվել է ապօրինի շինությունների ապամոնտաժման գործին, սակայն, ուշագրավն այն է, որ Երևանի մի շարք թաղամասերում և այդ թվում այնտեղ, որտեղ վերջին օրերին Մարությանը հետընտրական աշխատանքի իմիտացիա է անում, բազմիցս ահազանգեր են եղել ապօրինի շինությունների առկայության մասին:

Դիցուք՝ Շենգավիթ թաղամասում պատերազմի սաստկանալուն զուգահեռ՝ ապօրինի շինարարությունը մեծ թափ է հավաքել։ Բազմաթիվ ահազանգերից հետո քաղաքապետարանից եկել և 200 հազար դրամով տուգանել են ապօրինի շինարարություն իրականացնողին, սակայն շինարարությունը չի դադարեցվել։ Հերթական ահազանգից հետո Շենգավիթ վարչական շրջանի ղեկավարի ժամանակավոր պաշտոնակատար Համլետ Գրիգորյանը մամուլի ներկայացուցիչներին պատասխանել էր, որ «տարածքում իրականացվում են ներքին հարդարման աշխատանքներ, որը շինարարության թույլտվություն չպահանջող աշխատանք է»։ Այս պատասխանը տարակուսանք է առաջացնում։ Ինչպե՞ս շինարարությունը ավարտական տեսք ստացավ, և ապօրինի կառուցված շինության ներքին հարդարման աշխատանքն օրինական համարվեց։

Կան այլ դեպքեր ևս, երբ քաղաքապետարանը աչք է փակել ապօրինի շինությունների վրա: Արշակունյաց պողոտայի հ․ 18/4 հասցեում «Ջերմուկ գրուպ» ընկերության տնօրեն Վահագն Արսենյանը, առանց համապատասխան քաղաքաշինական փաստաթղթերի, իրականացրել է մետաղական կոնստրուկցիաներով շինության կառուցման աշխատանքներ։ Վահագն Արսենյանը Ազգային Ժողովի նախկին պատգամավոր Աշոտ Արսենյանի որդին է, որին էլ պատկանում է «Ջերմուկ գրուպ» ընկերությունը։ Քաղաքապետարանը Վահագն Արսենյանին տուգանել է 200 հազար դրամով։

Ահա ևս մեկ օրինակ՝ մամուլից:

Այսինքն, ստացվում է, որ քաղաքապետը, տեղյակ լինելով մինչ օրս Երևանում լայն թափող կառուցվող ապօրինի շինությունների մասին, դրանց մի մասի թույլտվության տակ դնելով իր ստորագրությունը, այսօր աշխատանքի բուռն իմիտիացիա է անում` փորձելով ապացուցել իր սկզբունքայնությունը նշված հարցում: Սակայն, ինչպես երևում է, սա ոչ այլ ինչ է, քան ՔՊ-ական պաշտոնյայի հերթական հետընտրական շոուն...