Նիկոլ Փաշինյանին հանգիստ չի՞ տալիս Սերժ Սարգսյանի «փառքը»

Այսօր հայտնի դարձավ Նիկոլ Փաշինյանի ևս մեկ նորամուծության մասին. այն է, կառավարության անդամները այսուհետ պարտավոր են հոտընկայս ողջունել վարչապետին՝ կառավարության նիստերի մեկնարկին:

Ընդդիմադիր Նիկոլ Փաշինյանը այս երևույթը անվանում էր ոչ այլ ինչ, քան անձի պաշտամունք: Նա բազմիցս է քննադատել երրորդ նախագահ Սերժ Սարգսյանին այն բանում, որ վերջինս Հայաստանում ստեղծել է իր անձի պաշտամունքը, ինչը քաղաքականապես առողջ հասարակությունների համար աննորմալ երևույթ: Ըստ երևույթին, այսօր այդ նույն երևույթը Փաշինյանը համար այլևս նորմալ է: 

Ընդդիմադիր Փաշինյանը մեղադրում էր Սարգսյանին նրանում, որ վերջինս պետական պաշտոնյաներին ստիպում է աշխատասենյակի պատից կախել իր նկարը: Այսօր Հայաստանում կան Նիկոլ Փաշինյանի անունով և նկարներով՝ օղիներ, հուշանվերներ, անգամ սրբապատկերներ: Փաշինյանը Սարգսյանին մեղադրում էր կառավարության կայքը սեփականաշնորհելու մեջ, քանի որ կայք մուտք գործելիս առաջին էջում միայն Սերժ Սարգսյանի մեծ չափսի նկարն էր: Հիշենք վերջին քարոզարշավի ընթացքում ՔՊ նախընտրական պաստառը, որի վրա անգամ կուսակցության անվանումը չէր երևում, փոխարենը ողջ պաստառով մեկ Նիկոլ Փաշինյանն էր՝ սեփական անձով: Փաշինյանը Սարգսյանին մեղադրում էր նրանում, որ թիմում իրեն անփոխարինելի են համարում, ինչը խոսում է թիմի հիվանդության մասին: Այսօր բազմաթիվ ՔՊ-ականները, եթե չասենք՝ բոլորը, աստվածացնում են Փաշինյանին` վերջինիս անձի հետ կապելով հայ ժողովրդի գոյության, անվտանգության և բարեկեցության երաշխիքը: ՔՊ-ականների համար Փաշինյանը այսօր նույնպես անփոխարինելի է, և նրանք այդ անփոխարինելիության թեզը փորձում են պարտադրել նաև հայ հասարակությանը:

Ինչպես տեսնում ենք՝ վարչապետ Փաշինյանը  այս հարցում էլ է դավաճանել իր սկզբունքներին, անձի պաշտամունքը Հայաստանում չի վերացել, փոխվել են միայն անունները...

Այս թեմայով Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան