Նոր Հայաստանում կասկածի տակ են առնվում պետական մարմինների՝ մեկ անձից կատարված գնումները, հաշվեքննիչ պալատի վերջին հաշվետվության մեջ կարմիր թելի պես անցնում էր կոռուպցիոն ռիսկը, այն պարզ պատճառով, որ գնումների 50 տոկոսը կատարվել է առանց նախապաես մրցույթ հայտարարելու՝ մեկ անձից գնման ընթացակարգով: Դիցուք՝ Արմավիրի մարզպետարանը անվտանգության ապահովման սարքեր է գնել «էկոմպ» ՍՊԸ-ից: Նիկոլ Փաշինյանի նախկին խորհրդական գեներալ Արշակ Կարապետյանը, զինվորական պաշտոնի անցնելուց կարճ ժամանակ անց, Աշոտ Մկրտչյանի հետ 1999 թվականին հիմնում է «Էլկոմպ» ՍՊԸ-ն, որը զբաղվում է անվտանգության համակարգերով։ Ընկերությունը պպատվերներ է ստացել ՀՀ ՊՆ-ից անգամ այն ժամանակ, երբ Արշակ Կարապետյանը զբաղեցրել է ՀՀ ԶՈՒ ԳՇ հետախուզության պետի պաշտոնը։ Այստեղ ակնհայտ է, որ եղել է շահերի բախում, և հնարավոր է՝ նաև կոռուպցիա։
Առողջապահության նախարարությունը 6465400, 46325900, 1798200, 1999800 և 1896790 մլն դրամի ծառայություններ է գնել նախկին ՀՀԿ-ական պատգամավոր Արկադի Համբարձումյանին պատկանող «Սլավմեդ» բժշկական կենտրոնից:
ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեն 20722800 և 20722800 մլն դրամի ոչ բնակելի անշարժ գույքի վարձակալության պայմանագրեր է կնքել «Հանարդնախագիծ» ԲԲԸ-ի հետ, որի սեփականատերը հանդիսանում է բնապահպանության նախկին նախարար Արամ Հարությունյանը:
Աշխատանքի և սոցիալական ապահովության նախարարությունն իր հերթին նախընտրում է ապահովագրական ծառայությունների գնում կատարել առողջապահության նախկին նախարար Լևոն Ալթունյանին պատկանող «Ինգո Արմենիայից»: Այս ընկերության հետ կնքվել է 2 միլիոն դրամի պայմանագիր՝ մեկ անձից գնման ընթացակարգով:
ՊԵԿ-ը շուրջ 2 միլիոն 605 հազար դրամի ծառայություն է գնել «Էյ Ջի» սերվիսից: ՍՊԸ-ն փաստացի հիմնադրել է արդեն նախկին վարչապետ Կարեն Կարապետյանի եղբայրը՝ Վլադիմիր Կարապետյանը, և մինչ 2009 թվականը եղել է բաժնետերերից մեկը: Այժմ այստեղ ամենամեծ բաժնետերը ԿԱ Ջրային տնտեսության պետական կոմիտեի նախկին նախագահ Արսեն Հարությունյանը, ով կնոջ հետ ընկերության 44 % բաժնեմասին է տիրապետում:
Վարչապետի աշխատակազմը 21,424 ՀՀ դրամի բժշկական սպիրտ է գնել «Նատալի Ֆարմ»-ից, որը պատկանում է Սամվել Ալեքսանյանին:
Կառավարությունը, 1 մլրդ 15 մլն չարաշահմանը զուգահեռ, աղմուկի կենտրոնում հայտնված «Սեքյուրիթի Դրիմ» ՍՊԸ-ի հետ 3 մլրդ 172 մլն դրամի պայմանագիր է կնքել; Հիշեցնենք, որ այս ընկերությունը կապվում է Սերժ Սարգսյանի եղբոր՝ Սաշիկ Սարգսյանի անվան հետ:
Ինչպես տեսնում ենք, առկա է ոչ միայն կոռուպցիոն ռիսկ, քանի որ հեղափոխական պաշտոնյաների գլխավորած գերատեսչությունները նախընտրում են գնում կատարել հենց նախկին՝ իրենց իսկ կողմից թալանչի պիտակավորված անձանց ընկերություններից, այլ մի բան էլ՝ այդ գնումները արվում են առանց մրցույթային կարգի, ասել է թե՝ օրենքի խախտմամբ և որոշակի պայմանավորվածության և բիզնես շահերի լոբբինգի արդյունքում…
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
