Ի՞նչ են թաքցնում «սորոսական» ՀԿ-ները. երկակի ստանդարտներ և արտոնյալներ

«Բաց հասարակություններ Հայաստան« հիմնադրամը, նույն ինքը` Սորոսի ֆոնդը, 2021 թվականից սկսած որոշել է գաղտնի պահել դրամաշնորհների մասին տեղեկատվությունը: Թե ինչով է պայմանավորված նման գաղտնիությունը` դժվար է ասել, սակայն ակնհայտ է, որ հիմնադրամը կոպտորեն խախտում է Հայաստանում գործող ՀԿ-ների և Հիմնադրամների մասին օրենքի պահանջները, իսկ իշխանությունները և պատկան մարմինները, որ կոչված են ապահովելու օրենքի հավասար կիրարկումը Հայաստանում գործող բոլոր տեղական և միջազգային ՀԿ-ների կողմից, աչք են փակում սորոսականների նման գաղտնապահության վրա: Արդյունքում գաղտնի են դառնում նաև այն ՀԿ-ների դրամաշնորհների մասին տեղեկությունները, որոնք գրանտ են ստանում հենց Սորոսի հիմնադրամից: Ստացվում է, հանրությունը զրկված է տեղեկություն ստանալու իր իրավունքից և չի իմանալու, թե օրինակ որ ՀԿ-ն ՝ ինչի դիմաց որքան գումար է ստացել: Նախկինում հիմնադրամի կայքում դրամաշնորհների ցանկերը հրապարակվում էին, ինչն էլ վերլուծության առարկա էր դառնում և արդյունքում մի շարք ՀԿ-ների հետևից ամրագրվել էր սորոսական անվանումը: Դա թերևս դուր չի եկել Արևմուտքից սնվող ՀԿ-ներին և նրանք որոշել են՝ պարտադիր չէ հանրությունը տեղյակ լինի, թե ինչով են վերջիններս զբաղված և որքան գումար են դրա համար ստանում:

Ըստ էության, սորոսականները Հայաստանում շարունակում են մնալ արտոնյալ կարգավիճակում և անգամ՝ օրենքից էլ բարձր: