Վուհանում աշխատող գիտնականն անվանել է COVID-19-ի ծագման հնարավոր պատճառը

Վիրուսաբան Դանիել Անդերսոնը, ով մինչ 2019 թվականի նոյեմբեր աշխատում էր Չինաստանի Վուհան քաղաքում գտնվող վիրուսաբանության ինստիտուտի լաբորատորիայում, Bloomberg-ին տված հարցազրույցում ասել է, որ հակված է հավատալու կորոնավիրուսի ծագման բնական վարկածին:
Միևնույն ժամանակ, գիտնականը չի բացառել այն տեսությունը, ըստ որի SARS-CoV-2- ը տարածվել է Վուհանի լաբորատորիայում:
«Ես այնքան միամիտ չեմ, որ ասեմ, որ ամբողջությամբ բացառում եմ այս տարբերակը», - խոստովանել է Անդերսոնը: Գործակալության զրուցակիցը համոզված է, որ եթե նույնիսկ այդպես լիներ, ինստիտուտի աշխատակիցների կամ այլ անձանց գործողություններում որևէ դիտավորություն չէր կարող լինել: Նա վարկած է առաջ քաշել, որ գիտնականը կարող էր անգիտակցաբար վարակվել աշխատելիս, ապա ակամայից վարակել ուրիշներին: Այնուամենայնիվ, Անդերսոնը սրա հավանականությունը գնահատել է չափազանց փոքր: Միևնույն ժամանակ, վիրուսաբանը զարմացած չէ, որ հետազոտողները դեռ չեն կարողացել գտնել վիրուսի տարածման ճշգրիտ աղբյուրը, քանի որ SARS- ի բնական հարուցիչը պարզելու համար պահանջվել է գրեթե տասը տարի: