Հայաստանը դեռևս պատրաստ չէ ԳԱԱ ինստիտուտների՝ բուհերի հետ միավորմանը. Աշոտ Սաղյան
Գիտություն և Մշակույթ
Հայաստանը դեռեւս պատրաստ չէ ԳԱԱ ինստիտուտների՝ բուհերի հետ միավորմանը: Այս մասին հունիսի 29-ին լրագրողների հետ հանդիպման ժամանակ հայտարարել է Հայաստանի Գիտությունների ազգային ակադեմիայի նորընտիր նախագահ Աշոտ Սաղյանը: Ըստ նրա՝ եթե սխալներ են թույլ տրվել, ապա դրանք պարզապես պետք է շտկել: «Վրաստանն ու Ղազախստանը գնացին այդ քայլին: Այժմ երկու երկրներում էլ խառնաշփոթ է առաջացել, թե արդյո՞ք համալսարանը ի վիճակի է պահել այս կամ այն ինստիտուտը: Ապագայում ինստիտուտների եւ բուհերի միավորումը կարող է արդիական լինել Հայաստանում, սակայն այժմ մենք դրան պատրաստ չենք», - պարզաբանել է Աշոտ Սաղյանը:
Նա նշել է, որ դրա համար անհրաժեշտ է պայմաններ ստեղծել: «Օրինակ՝ բուհերը կարող են պայմանագրեր կնքել ինստիտուտների հետ եւ սերտ համագործակցություն հաստատել: Դրանից հետո պարզ կդառնա, թե ինչը ինչի հետ է պետք միավորվել կամ չմիավորել», - հավելել է ԳԱԱ նախագահը: Ինչ վերաբերում է օպտիմալացմանը, ապա դա, ըստ նրա, չպետք է լինի ինքնանպատակ: «Օպտիմալացման արդյունքում մենք չպետք է հասնենք նրան, որ գիտական հաստատությունները պարզապես փակվեն, այլ որ դրանք կարողանան վաստակել նույնչափ, որքան հատկացնում է պետությունը», - եզրափակել է Սաղյանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
