2021-ի համար կանխատեսվում է 6 տոկոս տնտեսական աճ. Փաշինյան

Տնտեսական աճի կանխատեսումները վերանայվում են և հիմա 2021թ.-ի համար կանխատեսվում է 6 տոկոս տնտեսական աճ։ Կառավարության նիստի մեկնարկին ասաց ՀՀ վարչապետի պաշտոնակատար Նիկոլ Փաշինյանը։

Ըստ վերջինիս՝ բավականին հաջող իրականացնում են պետբյուջեի եկամտային մասի հավաքագրումները, և կիսամյակի գերակատարում է արձանագրվել։

ՊԵԿ նախագահ Էդվարդ Հովհաննիսյանը նշեց, որ առաջին կիսամյակի ընթացքում հարկային եկամուտների հավաքագրումը կազմել է ավելի քան 750 մլրդ դրամ. «Կարող ենք ասել, որ առաջին կիսամյակի համար ունենք 52.5 մլրդ դրամի գերակատարում։ Սա այն պայմաններում, երբ 2021թ.-ի առաջին կիսամյակում հարկ վճարողներին և ֆիզիկական անձանց համապատասխան հարկատեսակների մասով վերադարձվել է շուրջ 84 մլրդ դրամ։ Հավաքագրված եկամուտների մեջ իր ազդեցությունն է ունեցել դրոշմանիշային վճարների գծով կատարված օրենսդրական փոփոխությունների արդյունքում հավելյալ հավաքագրված դրոշմանիշային վճարների ծավալը»,-նշեց ՊԵԿ նախագահը։