ԱՀԿ-ն հայտարարել է կորոնավիրուսային համաճարակի շատ վտանգավոր փուլի մասին

Դելտա֊շտամի պատճառով աշխարհը գտնվում է կորոնավիրուսի համաճարակի զարգացման շատ վտանգավոր փուլում, հայտարարել է ԱՀԿ գլխավոր տնօրեն Թեդրոս Ադանոմ Գեբրեյզուսը: Նա նշել է, որ այս շտամն արդեն հայտնաբերվել է առնվազն 98 երկրներում: Գեբրեյզուսը շեշտել է, որ այս տեսակի վարակը շատ վտանգավոր է և շարունակում է մուտացիայի ենթարկվել: «Դելտայի նման առավել վիրուսային շտամի տարածումով պայմանավորված, որը շատ երկրներում արագորեն դառնում է գերակշռող, մենք գտնվում ենք այս համաճարակի շատ վտանգավոր շրջանում», - ասել է ԱՀԿ ղեկավարը: Նա ավելացրել է, որ առողջապահական համակարգը պետք է վերահսկի կորոնավիրուսի նոր մուտացիաները և անընդհատ հարմարվի դրանց: Նա նշել է, որ կարևոր է վարակի հետազոտման, վաղ հայտնաբերման, վարակի մեկուսացման և դրանց բուժման ընթացքը, ինչպես նաև մատնանշել է բոլոր նախազգուշական միջոցները պահպանելու անհրաժեշտությունը։ Բացի այդ՝ Գեբրեյզուսը համաշխարհային հանրությանը կոչ է արել միմյանց օգնել պատվաստանյութերի, օդափոխիչների, դեղամիջոցների և թեստերի հարցում, ինչպես նաև արագացնել պատվաստումները:
«Սա լավագույն միջոցն է COVID-19 համաճարակը դանդաղեցնելու, կյանքեր փրկելու, իսկապես գլոբալ տնտեսական վերականգնումը խթանելու և նոր կորոնավիրուսային վտանգավոր տարբերակների աճը կանխելու համար», - եզրափակել է ԱՀԿ գլխավոր տնօրենը: