Միթ Ռոմնին ամեն երկրորդ ԱՄՆ քաղաքացուն համարում է ձրիակեր

ԱՄՆ-ի նախագահ Բարաք Օբաման, որը երկրորդ անգամ անընդմեջ փորձում է ընտրվել նախագահի պաշտոնում, պահպանում է Միթ Ռոմնիի նկատմամբ ունեցած առավելությունը, որը ստեղծվել է ճիշտ նախընտրական քաղաքականություն վարելու արդյունքում, ի տարբերություն հանրապետականների վարած քաղաքականության, որը վերլուծաբանների կարծիքով ճիշտ չէ։

Կիրակի օրվանից սկսած՝ հանրապետականները տեսանյութերի շարք են թողարկել հեռուստաեթերներով, որում Ռոմնին խոստանում է հոգ տանել «միջին դասի» քաղաքացիների մասին, խոստանում է օգնել փոքր բիզնեսին, կրճատել հարկերը և «ճնշել Չինաստանին»։

Բայց այդ խոսքերը չէին, որ հուզեցին և շարժեցին ամերիկացիների հետաքրքրությունը, այլ մի քանի օր առաջ նախընտրական քարորզարշավի մասնավոր հովանավորների հետ ընթրիքի ժամանակ արված հայտարարությունները, ըստ որոնց՝ ամերիկացիների 47 տոկոսը կախված են իշխանությունից։ Նա մասնավորապես ասել է, որ ամեն երկրորդ ամերիկացին համարում է, որ կառավարությունը կապահովի իրեն ապրուստի բոլոր միջոցներով։ Այդ իսկ պատճառով էլ քվեարկում են Օբամայի օգտին։

Ռոմնին չի հենվում ընտրողների այդ մասի վրա. «Իմ աշխատանքը այդ մարդկանց համար անհանգստանալը չէ։ Ես երբեք չեմ կարող համոզել նրանց վերցնել պատասխանատվությունը իրենց վրա։ Այդ մարդիկ երբեք հարկեր չեն վճարել, այդ իսկ պատճառով էլ նրանց չեն հետաքրքրի մեր առաջարկները՝ հարկերի նվազեցման մասին»։

Հիշեցնենք, որ տեսանյութը, որում Ռոմնին արել էր այդ արտահայտությունները,  արվել էր թաքնված տեսախցիկի միջոցով։ Ռոմնին փաստորեն ԱՄՆ ամեն երկրորդ քաղաքացուն անվանել է ձրիակեր. այսպես են գրում ամերիկյան ԶԼՄ-ները։