Ռուս խաղաղապահների միջնորդությունը ակտիվացնում է Երևանի և Բաքվի միջև խաղաղ երկխոսությունը․ Իգոր Կորոտչենկո
Արտաքին Քաղաքական
Ռուսական խաղաղապահ զորակազմի միջնորդությունը՝ գեներալ-լեյտենանտ Ռուստամ Մուրադովի գլխավորությամբ, կարող է նպաստել Հայաստանի և Ադրբեջանի միջև հետպատերազմական կարգավորման գործընթացն ակտիվացնելու հարցում:Այս մասին Вестник Кавказа պարբերականի հետ զրույցում ասել է «Ազգային պաշտպանություն» ամսագրի գլխավոր խմբագիր Իգոր Կորոտչենկոն՝ մեկնաբանելով Երևանի կողմից ականապատ դաշտի քարտեզների տրամադրումը և Ադրբեջանի կողմից 15 հայ զինվորների վերադարձը:
«Դա լավ նշան է, դա ցույց է տալիս, որ ռուս խաղաղապահների և ռուսական խաղաղապահ զորակազմի հրամանատարի ձեռք բերած կարևորությունը թույլ է տալիս միջնորդի արդյունավետ դեր խաղալ կողմերի միջև հարաբերություններ կառուցելիս: Հուսով ենք, որ նույն կերպ Ռուսաստանի աջակցությամբ արագ կսկսվի և արագ ընթացք կստանա Ադրբեջանի և Հայաստանի միջև սահմանի սահմանազատման և սահմանագծման գործնական գործընթացը: Հայաստանը դժվարությամբ է գնում Ադրբեջանի հետ խաղաղ երկխոսության: Հուսանք, որ Ռուսաստանի միջնորդությամբ այդ գործընթացն առավել ինտենսիվ, արդյունավետ և օգտակար ընթացք կունենա կողմերի համար»,- ընդգծել է փորձագետը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
