Իրանի նկատմամբ նոր պատժամիջոց է սահմանվել

Ամերիկայի Միացյալ Նահանգները նոր պատժամիջոց է սահմանել Իրանի նկատմամբ, տեղեկացնում է Ադրբեջանական APA լրատվական գործակալությունը: ԱՄՆ ֆինանսների նախարարությունն իրանական ավիափոխադրողներին մեղադրել է 117 ինքնաթիռով Սիրիա զենք հասցնելու մեջ՝ նրանց ներառելով իր «սև» ցուցակի մեջ:

Հավելենք, որ խոսքը Iran Air, Mahan Air և Yas Air ավիաընկերությունների մասին է, որոնց պատկանել են տվյալ ինքնաթիռները: Բացի այդ, նշվում է, որ այդ ինքնաթիռները հումանիտար օգնության պատրվակով Սիրիայի նախագահ Բաշար ալ-Ասադի ռեժիմին մատակարարել են զենք և Իրանի Իսլամական հեղափոխության պահակազորին մոտ կանգնած զինվորականներ: