Նոր պաշտոն՝ իշխանությունների «սրտի» դատավորին. ինչո՞վ է հայտնի Տիգրան Սահակյանը

Վերաքննիչ քրեական դատարանի նախագահ է ընտրվել դատավոր Տիգրան Սահակյանը; Մամուլում շրջանառվող տեղեկությունների համաձայն` նա բավականին մոտ հարաբերություններ ունի նաև ՀՀ նախկին զինդատախազ, այժմ՝ ԲԴԽ նախագահի ժամանակավոր պաշտոնակատար Գագիկ Ջհանգիրյանի հետ:

Սահակյանը համարվում է ամենաիշխանահաճո դատավորներից մեկը, ինչպես նաև՝ ամենահարուստ դատավորներից մեկը: 2020 թվականին նա գնել է NISSAN PATHFINDER 3.5 ավտոմեքենա, կանխիկ դրամը կազմել է՝ 249,106,000.00 ՀՀ դրամ, աշխատանքի դիմաց վարձատրությունը կազմել է՝ 24,657,825.00 ՀՀ դրամ: Տիգրան Սահակյանի որդու՝ Հակոբ Սահակյանի 2018 թվականի հայտարարագրում նշվում է, որ շարժական գույքի հետ կապված որևէ գործարք է կատարվել, սակայն, թե ինչ՝ չի նշվում: Ի դեպ, տարիներ առաջ մամուլում տեղեկություններ էին տարածվել, որ դատավորի որդին առնչություն ունի 2011 թվականի սեպտեմբերի 23-ին, Երեւանում վնասազերծված ավազակախմբի հետ: Տիգրան Սահակյանն ինքը հերքել էր տարածվող տեղեկությունները, սակայն, ինչպես ասում են՝ չկա ծուխ առանց կրակի:

Համակարգում ժպիտով են հիշում Տիգրան Սահակյանի պաշտոնավարման ժամանակները, երբ Վերաքննիչ քրեական դատարանն ասես «չենջ» լիներ, երբ ամեն առավոտ դատավորները ներկայանում էին դատարանի նախագահին ու նոր գնում իրենց գործերով:

Սահակյանը այն դատավորն էր, ով մերժել է ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանի՝ նոր հանգամանքով դատական ակտի վերանայման վարույթի հարուցելը։ Նշենք, որ փաստաբանը դիմել էր Վերաքննիչ՝ վերանայելու Առաջին ատյանի դատարանի՝ 2019 թվականի սեպտեմբերի 20-ի կայացված որոշումը, այն բեկանել, փոփոխել, Ռոբերտ Քոչարյանի նկատմամբ որպես խափանման միջոց ընտրված կալանքը վերացնել եւ նրան ազատ արձակել կալանքից, հակառակ դեպքում՝ գրավի կիրառումը ճանաչել թույլատրելի եւ որոշում կայացնել Ռ. Քոչարյանին կալանքից գրավով ազատ արձակելու մասին։

Լավագույն ավանդույթները, փաստորեն, շարունակվում են, և Նիկոլ Փաշինյանը, ըստ էության, աստիճանաբար իրականացնում է իր ծրագրերը՝ կառավարելի դատական համակարգ ունենալու մասով՝ պատասխանատու պաշտոններում նշանակելով լիարժեքորեն կառավարվող անձանց:

Այս թեմայով Մոսկվայի դատարանը կալանք է դրել գործարար Լև Մարտիրոսյանի` ավելի քան 50 միլիոն ռուբլի արժողությամբ գույքի վրա Լեհաստանի նախագահը կկանգնի դատարանի առաջ Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով