Ամերիկյան FOX NEWS-ը Հունաստանի ցույցերի կադրերը ներկայացրել է Ռուսաստանում անցկացվող ցույցերի փոխարեն (ՏԵՍԱՆՅՈՒԹ)

Ուշագրավ տեսանյութ է հայտնվել համացանցում, որը ցուցադրվել է ամերիկյան հայտնի FOX NEWS հեռուստաընկերության եթերով։ Բանն այն է, որ հաղորդումը եղել է Ռուսաստանում երեկ՝ դեկտեմբերի 10-ին, տեղի ունեցած ցույցերի վերաբերյալ, սակայն իրականում այդ տեսանյութում ներկայացված կադրերը նկարահանված են եղել Հունաստանում այս տարի տեղի ունեցած հակակառավարական ցույցերի ժամանակ։ "Յու թուբ"-ի ռուս օգտատերերից մեկը, տեղադրելով այս տեսանյութը համացանցում, այն վերնագրել էր հետևյալ կերպ՝ «Ահա թե ինչքան են անհանգստանում մեզ համար մեր ամերիկացի «Բարեկամները»»։ Սարկազմը, կարծում ենք, լրիվ տեղին է։