Նիկոլ Փաշինյանի «ավանսը»` ուժային բլոկին

Հետպատերազմյան ճգնաժամի մեջ գտնվող Հայաստանում պետական համակարգի ծառայողների պարգևատրումները շարունակվում են։ NEWS.am–ի գրավոր հարցմանն ի պատասխան ոստիկանությունից ստացված տվյալներից պարզ է դառնում, որ 2021թ.-ի հունվար-մայիս  ամիսներին ոստիկանության ծառայողների (աշխատողների) ամսական պարգևատրումների համար հատկացվել է 3.7 մլրդ դրամ կամ 7.1 մլն ԱՄՆ դոլար՝ ամսական միջինը մոտ 700 մլն դրամ։  Ոստիկանությունից սակայն չեն նշել, թե նշված ժամանակահատվածում քանի ծառայող է պարգևատրվել՝ պատճառաբանելով, որ ոստիկանության ստորաբաժանումների անձնակազմի ցուցակային թվաքանակի մասին տվյալները գաղտնագրված են և ենթակա չեն հրապարակման։

ՀՀ դատախազությունում 2020 թվականին բաժանվել է 909.604.40 դրամի պարգևավճար: Քննչական կոմիտեում` 1.398.243.200 դրամի պարգևավճար: Հատուկ քննչական ծառայությունում` 141 միլիոն դրամի համարժեք պարգևավճար: ԱԱԾ-ում՝ 3.085.119.370 դրամի համարժեք պարգևավճար:

Ինչպես տեսնում ենք՝ Նիկոլ Փաշինյանը շարունակում է ամրապնդել իր դիրքերը ուժային բլոկում: Աշխատավարձերի կտրուկ բարձրացմանը հաջորդում է միլիարդների հասնող պարգևավճարների բաժանումը, և հենց դրա շնորհիվ էլ Փաշինյանը փորձելու է ապահովել ուժայինների լոյալությունը հետընտրական գործընթացներում: