2021 թվականին առաջին 5 ամսում քանի՞ զբոսաշրջիկ է այցելել Հայաստան. News.am

Հայաստան զբոսաշրջային այցելությունները 2021 թվականի ապրիլ ամսին կազմել է շուրջ 41881, իսկ մայիս ամսին՝ շուրջ 52908: Այս մասին NEWS.am-ի հարցմանն ի պատասխան հայտնեցին ՀՀ էկոնոմիկայի նախարարությունից:

2021 թվական հունվար-մարտին Հայաստան ներգնա զբոսաշրջային այցելությունները կազմել են 86524, նախորդ  տարվա 307590 համեմատ նվազել է շուրջ 72%:

Ստացվում է, որ 5 ամսում Հայաստան է այցելել 181313 զբոսաշրջիկ:

Արտագնա զբոսաշրջիկների թվաքանակը հունվարից մարտ ամսիներին կազմել է 44574, նախորդ  տարվա առաջին եռամսյակի (279435) համեմատ նվազել է շուրջ 84%:

Նախարարությունից հիշեցրել են, որ 2020 թվականին Հայաստան զբոսաշրջային այցելությունները կազմել են շուրջ 375216, նվազումը նախորդ տարվա նույն ժամանակահատվածի համեմատ կազմել է շուրջ 80%: 2020 թվականի ցուցանիշը ձեւավորվել է միայն 2020թ. հունվար-մարտ, սեպտեմբեր եւ հոկտեմբեր-դեկտեմբեր ժամանակաշրջանի տվյալներով: